Juristi Romeo Kara ka dalë me një reagim të fortë pasi PD prezantoi dje programin e saj elektoral. Nisur nga fakti që PD premton se paga minimale në vendin tonë do të jetë 36 mijë lekë nëse ata vijnë në pushtet, Kara ngre një sërë pyetjesh mjaft të rëndësishme.
Postimi i plotë:
Premtohet paga minimale: 36 mije leke te reja.
A ka nje shifer reale se cili eshte niveli zyrtar i varferise?
A eshte paga minimale e premtuar mbi kete nivel?
Presupozohet se paga minimale duhet të permbushe me 1/3 e saj nevojat për strehim, me 1/3 nevojat per ushqim dhe me
1/3 e ngelur nevojat për edukim.
Edhe shumica e pagave të cilat jane mbi nivelin e 36 mije lekeve, jane larg kapacitetit për të perballuar vetem nevojat për ushqim, pa folur me pas për strehimin dhe edukimin.
Cfare kane parasysh funderrinat e politikes, majtas dhe djathtas, kur shqiptaret i lene në kurthin e pagave të tilla larg minimumit jetik?
Ku dhe si e kompesojne shqiptaret pamjaftueshmerine e pagave të tyre?
A po i shtyn kjo politike kriminale e pagave shqiptaret drejt braktisjes se vendit dhe perfshirjes se tyre në fushen kriminale me qellim mbijetesen e tyre?
Perse nuk flitet qarte për rishperndarjen e pasurive dhe të të ardhurave?
Perse nuk flitet për rritjen e rolit të shtetit, ekonomise se tij dhe prishjen me ligj të koncesioneve, privatizimeve kriminale dhe monopoleve?
Sipas nje analize të thjeshte dhe të sakte, nje familje me kater vete nuk mund të jetoje në kufirin minimal të varferise pa 24 mije euro të ardhura në vit.
Nese në kete familje dy persona do të jene femije, atehere prinderit e tyre do të duhet secili të sjelle në familje 1000 euro Neto në muaj.
Kjo eshte llogaria, ky eshte realiteti.
Pikerisht mbi mjerimin e shqiptareve, të cileve paga iu zgjat vetem nje jave, eshte ngritur lluksi i funderrinave të politikes.
