Ndryshe nga vitet tjera, plaku i Lalzit nuk ka qetësi shpirtërore ta “festojë” 53 vjetorin e pranimit të Partinë Komuniste, ngaqë është hedhur në aksionin dëshpërues, për të pastruar damkën penale që i ka vënë SHBA, si shkatërrues i demokracisë e drejtësisë dhe simbol i korrupsionit e krimit në 30 vite tranzicion
Data 8 nëntor e krijimit të Partisë Komuniste të Shqipërisë, mund të jetë harruar e të jetë bërë “haram” nga shumë komunistë fanatikë, por jo nga komunisti ekstremist Sali Berisha, i konvertuar në “demokrat”.
Sepse për të, është datë simbolike dhe historike, mbasi më 8 nëntor 1968 është pranuar anëtar i partisë që sundoi, izoloi dhe masakroi shqiptarët për 45 vite.
Në këtë 8 nëntor, Sali Berisha ka 53 vjetorin e pranimit në parti si komunist i devotshëm, filluar në moshën 24 vjeç, kur sapo kishte përfunduar studimet e larta, i përzgjedhur si “veshi dhe syri vigjilent” i ish-Sigurimit të Shtetit.
Pranimi në datën themelimit të Partisë Komuniste, ka qenë privilegj për Sali Berishën, mbasi në këtë datë pranoheshin vetëm individë besnikë e shërbëtorë të denjë të regjimit, të përzgjedhur dhe miratuar nga Komiteti Qendror.
Me atë copë karton te kuq dhe shërbimet ndaj diktaturës deri si përgjues, denoncues e dëshmitarë në gjyqe politike, djali nga Viçidoli bëri karrierë e gëzoi aq privilegje të shumta, sa u bë dhe pjesë e familjes së diktatorit Enver Hoxha.
Ky 8 nëntor, Sali Berishën e ka gjetur me damkën “non grata” nga SHBA, si politikani dhe shtetari që ka përdhosur demokracinë me sundim të dhunshëm, me krime, korrupsion e shkatërrim të drejtësisë.
Fakte nga “CV” e Sali Berishës në 22 vite komunist; dosjet e zullumeve në 30 vite tranzicion i ka SHBA
– U zgjodh 3 herë anëtar i Byrosë së Rinisë të Rrethit-Tiranë.
– U zgjodh 4 herë sekretar partie i Qendrës Universitare e Spitalore Tiranë.
-U zgjodh 4 herë N/kryetar i Gjykatës Popullore dhe N/kryetar i Komitetit të Dëbim-Internimeve në Rajonin nr. 2 Tiranë.
– U zgjodh 3 herë anëtar i Pleniumit të Komitetit të Partisë Komuniste të Rrethit Tiranë (1975-1990).
– Rinovoi teserën si komunist, në datën 14 maj 1989, vetëm 1 vit para nisjes së lëvizjes studentore për rrëzimin e diktaturës.
Por ndryshe nga vitet tjera, Sali Berisha nuk ka qetësi shpirtërore ta “festojë” 53 vjetorin e pranimit të Partinë Komuniste, ngaqë është në aksion dëshpërues, për të pastruar damkën “non grata” që i ka vënë SHBA dhe për t’i shpëtuar drejtësisë./Pamfleti
