Sot Shqipëria kaloi shifrën e 200 mijë qytetarëve të vaksinuar. “Zemra mal” shkruan Edi Rama në një postim në Facebook.
Ministrja e Shëndetësisë Ogerta Manastirliu thotë se sot janë vaksinuar 13.826 qytetarë, ndërsa në total dozat janë injektuar te 206,708 qytetarë.
Ndërkohë që brenda 10 ditëve në Shqipëri do të vijnë edhe 50 mijë doza të vaksinës ruse “Sputnik V”.
Lajmin e dha kryeministri Edi Rama pasditen e sotme në një postim në Facebook, ku thekson se do ta fitojmë këtë luftë me forcën e karakterit e të këmbënguljes.
Por ende nuk dihet nëse 50 mijë dozat do të jenë dhuratë si herën e parë nga Emiratet e Bashkuara, apo marrëveshja është direkte me Rusinë.
Përpos “Pfizer” dhe me “Astra Zeneca”, aktualisht në Shqipëri po kryhet vaksinimi masiv me dozat kineze.
