Kryeministri i Britanisë së Madhe, Boris Johnson, vijon të jetë i shtruar në spital, prej mbrëmjes së kaluar, pasi kishte plot 10 ditë me simptoma të koronavirusit.
“Daily Mail” raporton se kryeministri britanik është vendosur në oksigjen, pasi simptomat e koronavirusit janë përshkallëzuar, duke shqetësuar mjekët.
Johnson iu bë një trajtim me oksigjen, duke e këshilluar të mos rrezikonte jetën e tij me oraret e stërgjatura në punë. Sipas një deputeti britanik është mësuar se Johnson ishte shumë i etur për të imituar heroin e tij, Winston Churchill, por ai nuk pushoi dhe nuk mori kohën e duhur për kurimin e tij pasi vijonte të punonte si një lider edhe nga karantina.
Një deputet i Tory i tha Telegrafit se “Johnson duhet të ndalojë së përpjekuri të kopjojë shembullin e Churchill gjatë Luftës së Dytë Botërore dhe në vend të kësaj le të lërë një ministër tjetër të Kabinetit të marrë përgjegjësinë për përpjekjet kombëtare për të luftuar virusin“.
“Dëgjoj që numri i orëve që ai është në gjendje të punojë ishte zhgënjyes, pasi ai nuk do të frymëzojë kombin.
Fatkeqësisht ai ka shkruar shumë libra mbi Churchill dhe dëshiron të jetë si ai, por Boris duhet të jet vetvetja dhe të mos përpiqet të jetë dikush tjetër“, vazhdoi më tej deputeti.
Ditën e premte, kryeministri Johnson postoi një video në rrjetet sociale ku shfaqej i lodhur nga sëmundja dhe tregonte se ishte ende me temperaturë të lartë.
Downing Street ka këmbëngulur se Kryeministri mbetet në kontroll të qeverisë, pavarësisht se mbetet në spital pa një afat kohor të qartë.
Ndërsa drejtimin e kabinetet e ka marrë Sekretari i Parë i Shtetit dhe për Çështjet e Jashtme, Domonoc Raab.
