Zbardhet vendimi zyrtar ndaj ish ministrit Saimir Tahirit. Gjykata e Apelit të Posaçëm Kundër Korrupsionit dhe Krimit të Organizuar ka zbardhur detajet për dënimin e ish ministrit.
Pas zbardhjes së vendimit tashmë pritet që ai t’i komunikohet palëve të cilat do të vendosin nëse do bëjnë apo jo rekurs në Gjykatën e Lartë.
Pas humbjes së thellë në 6 bashki të vendit/ Basha bën lëvizjen e papritur, ja çfarë do të ndodhë tek selia e PD
ZYRTARE/ Përfundon numërimi, ja kush do e drejtojë Bashkinë e Durrësit për 4 vitet e ardhshme
TRAGJIKE/ Djali i ngul thikën nënës së tij për ta vrarë. Policia zbardh detajet zyrtare
Tahiri, priste vetëm zbardhjen e vendimit për t’ju drejtuar Gjykatës së Lartë, ndërsa SPAK pret të njihet me argumentet e Apelit, për të vendosur nëse do i bëjë apo jo rekurs, pasi prokuroria kërkoi dënimin e tij me 8 vite burg për trafik droge, e grup krimininal, ndërkohë që Tahiri u dënua për shpërdorim detyre.
Referuar vendimit të gjykatës që e shpalli atë fajtor ka prova që tregojnë një situatë marrëdhëniesh të qëndrueshme mes Saimir Tahirit dhe Moisi Habilaj.
Lidhja e qëndrueshme konfirmohet konkretisht jo vetëm me shitjen e automjetit ‘Audi’ por bëhet fjalë për shërbimet e vazhdueshme të kryera nga Artan dhe Moisi Habilaj, si automjeti ujor që u mor për riparim; përdorim i automjetit ‘Audi’ nga Tahiri dhe bashkëshortja e tij për disa raste edhe pse ishte shitur.
Udhëtimi në të njëjtën kohë vajtje-ardhje në Itali i Moisi Habilajt dhe babait të ish-ministrit, Bashkim Tahiri që konfirmon se familja e Tahiri dhe familja Habilaj ka pasur kontakte të qëndrueshme.
Gjykata e Posaçme thotë se mes Saimir Tahiri dhe Moisi Habilaj ka pasur marrëdhënie të qëndrueshme por se Tahiri nuk rezulton i përfshirë direkt në trafik droge.
Por për shkak të shpërdorimit të detyrës ka krijuar situatë të tillë që grupi Habilaj të ishte i lirë për të trafikuar tonelata drogë drejt Italisë.
Tahiri u dënua me 5 vite burg për shpërdorim detyre. Por për shkak të gjykimit të shkurtuar ai u dënua përfundimisht me 3 vite e 4 muaj burg.
