Mbrëmjen e djeshme këngëtari me famë botërore Maluma ka ndezur atmosferën e kryeqytetit me koncertin që mbajti në orët e vona të darkës. Ky koncert u komentua shumë nga qytetarët. Dje Rama gjatë një komunikimi live tha “Nuk e di ça është kjo muzika jashtë, s’kemi paguar asnjë lekë”.
Ndërkohë, sot kryeministri ka folur sërish për këngëtarin për të cilin është shprehur: “Nuk e dija se kush ishte, unë thash do jetë epitet që ia kanë ngjitur ministrit.”
Ajo që u vu re ishte se kryetari i Bashkisë po qeshte teksa Rama thoshte se nuk kanë dhënë asnjë lekë. Por, Rama iu kthye Veliajt dhe i tha “Na tregoje ti se mbase ti ke bërë ndonjë gjë që mos të mbaj unë përgjegjësi edhe për ty këtu”.
Më konkretisht, Rama tha:
Se mu qepën për Malumën mua, unë se dija kush ishte, unë thash do jetë epitet që ia kanë ngjitur ministrit. Burrë a grua është? Burrë ee…këngëtar, jo realisht nuk e di. Koncertin e Malumës nëse mendohet që e kemi bërë ne, nuk e kemi bërë ne. Tregoje ti (i thotë Rama Erion Veliajt) se mbase ti ke bërë ndonjë gjë, që mos të mbaj unë përgjegjësi edhe për ty këtu.
