Turqia nuk do të heqë dorë nga sistemet anti-raketore S-400 të Rusisë dhe do të marrë masa reciproke pasi të vlerësojë sanksionet e SHBA-së të vendosura mbi prokurimin, tha të enjten ministri i jashtëm i vendit, Mevlut Cavusoglu.
Shtetet e Bashkuara të hënën vendosën sanksione kundër Administratës së Industrisë së Mbrojtjes të Turqisë (SSB), udhëheqësit të saj Ismail Demir dhe tre punonjësve të tjerë, mbi blerjen e S-400.
Turqia, një anëtare e NATO-s, dënoi sanksionet si një “gabim të rëndë”, raporton Reuters.
Presidenti Rexhep Tajip Erdogan tha të mërkurën se sanksionet ishin një “sulm armiqësor” ndaj industrisë së mbrojtjes së Turqisë dhe ishin të dënuara me dështim.
Në një intervistë me televizionin Kanal 24, Cavusoglu tha se Turqia nuk mund t’i nënshtrohet të ashtuquajturave sanksione CAATSA sepse ajo siguroi S-400 përpara se të miratohej ligji, duke shtuar se vendimi ishte një sulm ndaj të drejtave sovrane të Turqisë dhe nuk do të kishte asnjë ndikim.
Nevoja, jo zgjedhja
Ligji i vitit 2017 mbi shtypjen e kundërshtarëve amerikanë me sanksione (CAATSA) duhet të pengojë vendet nga blerja e pajisjeve ushtarake nga armiqtë e NATO-s, siç Rusia.
“Nuk është në përputhje me ligjin dhe diplomacinë ndërkombëtare, politikisht dhe ligjërisht është një vendim i gabuar,” tha Çavusoglu, duke shtuar se Shtetet e Bashkuara mund të kishin zgjidhur mosmarrëveshjen me “mendjen e shëndoshë” nëse do të kishin bashkëpunuar me Turqinë dhe NATO.
Turqia thotë se blerja e S-400 nuk ishte një zgjedhje, por më tepër një domosdoshmëri, pasi ajo nuk mund të siguronte sisteme mbrojtëse nga ndonjë aleat i NATO-s në kushte të kënaqshme.
Shtetet e Bashkuara thonë se S-400 përbën një kërcënim për avionët e saj luftarakë F-35 dhe sistemet më të gjera të mbrojtjes së NATO-s.
Ankaraja e hedh poshtë atë dhe thotë se sistemi S-400 nuk do të integrohet në NATO.
Sanksionet vijnë në një kohë të ndjeshme në marrëdhëniet e tensionuara midis Ankarasë dhe Uashingtonit, ndërsa presidenti i zgjedhur demokrat Joe Biden përgatitet të marrë detyrën në 20 janar, duke pasuar presidentin aktual Republikan Donald Trump.
I pyetur nëse lidhjet mund të normalizoheshin gjatë mandatit të Biden, Cavusoglu tha se kjo varet nga përmbushja e pritshmërive të Uashingtonit nga Turqia mbi politikën siriane dhe ekstradimi i një imami me bazë në SHBA (Fethullah Gulen), të cilin Turqia akuzon për orkestrimin e përpjekjes për grusht shteti në 2016.
“Nëse Shtetet e Bashkuara mendojnë strategjikisht, ata me të vërtetë kanë nevojë për Turqinë.”Ata e thonë këtë, por duhet të bëjnë atë që është e nevojshme për këtë,” tha kreu i diplomacisë turke.
