Spiro Duni është një regjisor dhe aktor i njohur shqiptar, i lindur më 21 tetor 1957 në Dhërmi, Vlorë. Ka studiuar për regji në Institutin e Lartë të Arteve në Tiranë dhe është specializuar më pas në Itali, në Teatro Nazionale di Roma.
Përveç regjisë, Duni ka qenë edhe aktor në disa filma shqiptarë në vitet ’80-’90 si “Appassionata” dhe “Ngjyrat e moshës”. Vajza e tij, Elina Duni, është një këngëtare jazz me famë ndërkombëtare.
Kohët e fundit, ai ka qenë i përfshirë në një çështje ligjore lidhur me një rast të dyshuar për falsifikim dokumentesh pronësie në zonën e Dhërmiut. Megjithatë, në fushën artistike, Spiro Duni mbetet një nga emrat më të rëndësishëm të teatrit modern shqiptar.
Spiro Duni diplomohet si regjisor në vitin 1983 në Institutin e Lartë të Arteve , Tiranë dhe specializohet në 1991 në Teatro Nazionale di Roma, Itali. Në eksperiencat si regjisor veçohen realizimet me Teatrin Skampa të veprave: ” Dy krisma në Paris”, “Shtegu i zënë”, “Kyçi i artë” “Ëngjëjt e skëterrës” , “Turneu”, “Nëpërka ” , “Sa shumë gjethe të thata atë vjeshtë” , “I pangopuri” ,” Pushteti i grave” etj.
Me Teatrin Kombëtar ka vënë në skenë veprat: Triptikun “Tre shakatë e Çehovit”, “S’ka të ngopur”, “Macja në çatinë e nxehtë”, ” Drejt perëndimit “. Gjithashtu edhe veprat: ” Njeriu që pa vdekjen me sy ” në Teatrin Kombëtar Prishtinë, ” Zi e më Zi ” në Teatrin A. Moisiu në New York, “Vizita e damës plakë” në Salem State Theatre, USA . “Shpellari”, “Këngëtarja tullace”,”Fishkëllimë në errësirë”, “Shtrigat e Salemit”, “Doktor Shuster “, “Ëndrra e Ismail Qemalit”, “Udhëtim i gjatë drejt natës ” , “Spiuni i Ballkanit” , “Pushteti i grave” në Teatrin Kombëtar. “Perëndeshë e bukurisë” në Teatrin Andon Zako Çajupi. “Horoskopi Babilonas” Teatri “Bylis” , “Shtëpia pa dritare” në Teatrin Petro Marko, “Babai” në Teatrin Skampa. Çmimet: 1988 – Çmimi A.
Moisiu Regjia më e Mirë me shfaqjen ” Turneu ” me autor Pirro Manin. 1989 – Çmimi Regjia dhe Shfaqja më e Mirë me komedinë ” Sa shumë gjethe të thata atë vjeshtë” me autor Pëllumb Kullën. 2006 – Çmimi i Parë në Festivalin Ndërkombëtar Kosova N’Fest si Shfaqja më e Mirë me komedinë ” Drejt perëndimit” me Teatrin Kombëtar. Fitues i “Akademisë Kult”,Regjisori më i Mirë për vitin 2013.
