Criminal Planet”, seriali investigativ i “Vice Word News”, i ka kushtuar disa seri të plota botës së krimit në Shqipëri dhe lidhjet e saj me tregjet botërore – jo vetëm kolumbiane.
Në episodin e parë tregohet sesi mafia shqiptare ka krijuar një aleancë vdekjeprurëse me klanin më të madh të kokainës në Kolumbi.
Kjo për një arsye të vetme: krijimit të një bashkëpunimi fitimprurës që ka mbërthyer Evropën me narkotikë.
Dokumentari nis me një festë private në elitën e Londrës – aty ku pihet drogë.
Festa zhvillohet në një pallat gjigant nga të afërmit, anëtarë të Bullingdon Club, shoqëri studentore e Universitetit të Oksfordit.
Nga pallati, ekipi i xhirimit drejtohet për në Medellin në Kolumbi.
Aty gjendet Clan del Golfo, organizata më e madhe e trafikut të drogës në vend, që furnizon 70 për qind të kokainës në botë.
Del Golfo, i referuar si “Klani”, është një grup paraushtarak i krahut të djathtë, të cilin Qeveria amerikane e ka caktuar si një nga pesë grupet kryesore të krimit të organizuar transnacional në botë.
“15 vitet e fundit, ne kemi pasur këtë aleancë me shqiptarët”, shprehet dikush në radhët e tyre që merret drejtpërdrejt me mafien shqiptare.
Sipas tij, shqiptarët janë duke blerë vazhdimisht drogë – ata blejnë deri në shtatë ton.
“Ata janë eksportuesit më të mëdhenj të drogës”.
I veshur me një kapuç të zi, një maskë kamuflazhi dhe i ulur në sediljen e pasme të një makine, që kalonte nëpër rrugë të errëta, ai hedh pak dritë mbi mënyrën se si partnerët e tyre shqiptarë qëndrojnë në Kolumbi.
“Shqiptarët njihen si shumë agresivë. Nëse dikush shkon në territorin e tyre, ata do të shkatërrojnë gjithçka që u prek rrugën. Ata nuk e kanë problem që të shuajnë një familje të tërë”.
Për herë të parë, ndonjëherë, Clan del Golfo lejoi një ekip kamerash të filmonte operacionin e tyre të trafikut në veprim.
Gjatë operacionit, ushtarët e tyre këmbësorë që bartin drogën e klasit A me vlerë 40 kilogramë, të paketuar në pllaka të mëdha, në avionë të nisur për në Venezuelë.
Ata pretendojnë se kanë pilotë komercialë dhe kontrollorë kolumbianë të trafikut ajror në listën e tyre të pagave.
“Kjo ngarkesë vlen rreth 30 milionë pesos (8 mijë dollarë)”, thotë një burrë me trup të rëndë, i veshur me një bluzë Gucci dhe xhinse Diesel, me një pistoletë të dalë nga brezi i tij.
Ai është një nga rreth 3 mijë anëtarët e betuar të Klanit që koordinojnë dhjetëra fluturime si ky në javë.
Zyrtarisht, avioni privat i fluturimit të mallrave u nis nga Bogata në Karakas, kryeqyteti i Venezuelës.
Por kolumbianët i kanë urdhëruar ata të ndalojnë në një aeroport klandestin, ku droga do të përcillet përmes kontejnerit të transportit të destinuar për në Evropë.
Nëse kjo ngarkesë arrin në Mbretërinë e Bashkuar, vlera e saj do të rritet në rreth 280 mijë dollarë.
Mbretëria e Bashkuar është konsumatori më i madh i kokainës pluhur në Evropë.
“Gjithmonë ka shqiptarë, është shërbim 24/7”, thotë një përdorues në kryeqytet.
Gjysma e kokainës së Klanit kontrabandohet nga kartelet meksikane në Amerikë.
Gjysma tjetër fshihet kryesisht në anije me kontejnerë dhe transferohet në Shqipëri, përpara se të kontrabandohet përmes tokës në një sërë vendesh evropiane.
Ndonjëherë ka dërgesa të drejtpërdrejta në Britani, por më shpesh ato shkojnë përmes porteve në Roterdam dhe Antwerp.
Vlerësohet se 90 për qind kalon pa u zbuluar nga autoritetet.
