Bombat nuk kanë të ndalur nga avionët luftarakë izraelitë që po fluturojnë mbi Rripin e Gazës teksa presidenti Joe Biden thotë se pushtimi i Gazës do të ishte ‘gabim i madh’, ndërsa kreu i agjencisë së ndihmës së OKB-së thekson jeta atje po merr fund.
Philippe Lazzarini, komisioneri i përgjithshëm i Agjencisë së Kombeve të Bashkuara, trajtoi situatën e rëndë në Rripin e Gazës të dielën, duke theksuar krizën kritike humanitare.
Lazzarini theksoi se Gazës po i mbaron me shpejtësi uji dhe energjia elektrike dhe popullsia përballet me mungesa të mëdha ushqimore dhe ilaçesh.
Gaza po mbytet dhe duket se bota tani e ka humbur humanitetin e saj. Nëse shikojmë çështjen e ujit – të gjithë e dimë se uji është jetë – Gazës po i mbaron uji dhe Gazës po i mbaron jeta”, tha Lazzarini.
I pyetur nga një gazetar gjatë një konference për shtyp në lidhje me restaurimin e ujit në Gazën jugore, Lazzarini tha:
“Ne nuk kemi qenë ende në gjendje të konfirmojmë. Kuptimi im është se nëse do të ketë restaurim të ujit, ai do të ndikonte kryesisht në Khan Younis ose gjysmën e Khan Younis. Pra, ai nuk do të mbulonte në jug të Khan Younis ose njerëzit në Rafah. Por përsëri, ky është një raport që ne duhet ta konfirmojmë. Dhe për momentin kolegët tanë në terren nuk janë në gjendje ta konfirmojnë këtë informacion.”
Ai përshkroi një katastrofë të paprecedentë humanitare me mijëra që kërkojnë strehim në objektet e UNRWA-s, ndërkohë që burimet janë shtrirë në kufi.
“Numri i njerëzve që kërkojnë strehim në shkollat tona dhe objektet e tjera të UNRWA në jug është absolutisht dërrmues dhe ne nuk kemi më kapacitet për t’u marrë me ta,” shtoi ai.
Ndërkohë presidenti i SHBA, Joe Biden ka thënë se okupimi izraelit i Gazës do të ishte një ‘gabim i madh’,
“Një pushtim izraelit i Gazës do të ishte një gabim i madh”, tha Biden në intervistën e tij 60 minuta.
I pyetur nëse do ta mbështeste një veprim të tillë, ai tha:
“Unë mendoj se do të ishte një gabim i madh. Shikoni, ajo që ndodhi në Gaza, sipas mendimit tim, është Hamasi dhe elementët ekstremë të Hamasit nuk përfaqësojnë të gjithë popullin palestinez. Dhe unë mendoj se … Do të ishte gabim që … që Izraeli të pushtonte … Gazën përsëri. Ne … por duke hyrë brenda por duke i larguar ekstremistët, Hezbollahu është në veri, por Hamasi në jug. Është një kërkesë e nevojshme.”, tha ai.
Ai tha se besonte se Hamasi duhet eliminuar tërësisht, por shtoi se “duhet të ketë një autoritet palestinez. Duhet të ketë një rrugë drejt një shteti palestinez.”
I pyetur nëse ai besonte se Izraeli do të ndiqte një zgjidhje me dy shtete, e cila ka qenë politika e SHBA për dekada, pas sulmit të Hamasit, Biden tha:
“Jo tani. Jo tani. Jo tani, por – por mendoj se Izraeli e kupton që një pjesë e konsiderueshme e popullit palestinez nuk ndajnë pikëpamjet e Hamasit dhe Hezbollahut.”, theksoi presidenti i SHBA.
Shifrat e viktimave deri 16 tetor:
Gaza Të vrarë: 2670 Të plagosur: 9600
Bregu Perëndimor i pushtuar
Të vrarë: 57 të vrarë Të plagosur: 1200
Izraeli
Të vrarë: 1400 Të plagosur: 3500
