Kreshnik Spahiu thotë se Berisha po nxiton të marrë Partinë Demokratike nën kontroll, sepse ka informacione se SHBA-të kanë plan B, për të “çmontuar grupin e tij”.
I ftuar në emisionin “Të Paekspozuarit”, Spahiu tha se SHBA-të janë të shqetësuar për rritjen e një fryme anti-amerikane në Shqipëri, të cilën ai ia faturon Berishës dhe mbështetësve të tij.
“Berisha ka informacion, që SHBA-të kanë një plan B, plan C, për ta çmontuar të gjithë grupin e Berishës.
SHBA-të kanë ndjerë shqetësim në rritje të frymës anti-amerikane. As në kohë të komunizimit nuk ka patur aq mllef kundër Amerikës. Ka një përqindje të elektoratit të Berishës, që shpreh mllef ndaj SHBA, Yuri Kim, etj. Për këta e gjithë bota është e korruptuar, vetëm Saliu është i ndershëm.
Vendimi i fundit i Departamentit të Thesarit, nuk është interpretuar si duhet. Hidhte një hap më tej për sekuestron e pronave. Berisha nuk ishte në këtë listë. Kjo nuk do të thotë se nuk do të jetë, nëse plani A i Amerikanëve nuk funksionon.
Ka një investim shumë të madh nga qeveria dhe diplomacia, që logo të shkojë aty ku ishte. Pra, vendimi të prishet. Do të bëhet çmos që logo e partisë… Pa logo, pa financa, pa seli, Berisha nuk shkon më shumë se 20-25 deputetët.
Berisha po nxiton të zgjedhë strukturat dhe të rizgjidhet kryetar”, tha Spahiu.
