Kreu i Partisë Demokratike, Lulzim Basha shprehet i bindur se përjashtimi i ish-kryeministrit Sali Berisha nga grupi parlamentar demokrat dhe shpallja e tij “non grata” nga amerikanët nuk ka kthim pas.
Të enjten që shkoi Tiranën e vizitoi Zëvendës Ndihmës Sekretari amerikan i Shtetit, Gabriel Escobar, i cili takimin e parë e zhvilloi me kreydemokraktin Lulzim Basha, ndërsa i dha këtij të fundit një mbështetje të madhe në “luftën” kundër ish-kryeministrit Berisha.
Por ndërsa ka zhvilluar një mbledhje me grupin parlamentar demokrat, zoti Basha ka zbardhur të tjera detaje nga biseda me zyrtarin e lartë të DASH. Gazeta ka mësuar se shefi i selisë blu ua ka bërë të ditur deputetëve se amerikanët kanë një dosje voluminoze kundër Berishës dhe se ish-lideri i PD është shpallur person i padëshiruar mbi bazë provash dhe faktesh.
Sipas asaj që ka thënë Basha para ligjvënësve demokratë, diplomati Escobar e ka krahasuar Berishën me presidentin e komunitet serb në Bosnjë, Milorad Dodik që për SHBA-të janë të korruptuar dhe minues të demokracive në rajonin e Ballkanit.
“Në takim zoti Escobar e bëri të qartë se provat kundër Sali Berishës janë voluminoze dhe se SHBA-të e konsiderojnë Berishën qartazi një Dodik që dëshiron të destabilizojë Shqipërinë dhe rajonin për t’u mbrojtur dhe mbrojtur aferat e tij. Për amerikanët ngjashmëritë e Berisha-Dodik janë mbresëlënëse. Historia e Dodik është ajo e nje politikani pro rus të korruptuar qe tenton të krijojë rrëmujë dhe përçarje në Sërpska.
Ai është një person i lidhur ngushtë me krimin e organizuar dhe me biznesmenë serbë qe paguajnë në Sërpska partine e tij, aferat e tij korruptive janë zbuluar nga rrjeti ndërkombëtar i gazetarëve investigativë dhe agjenci ligjzbatuese dhe Dodik sapo nisen t’i përgatisni procedurat për arrestim nisi turbullirat në pjesën serbe. Të gjitha këto që bën Berisha janë tentativa si Dodik për të sunduar me gjithë korrupsionin galopant dhe kështu për të prodhuar kaos që të shpëtojë veten e tij”, mësohet të jetë shprehur Basha para deputetëve.
PD rrezikon të shpallet organizatë antiamerikane
Por nga tjetër kryetari i Partisë Demokrtike, Lulzim Basha u shpreh dje gjatë prononcimi për mediat pas mbledhjes me deputetët demokratë, se Sali Berisha u fut në selinë blu në përpjekje për t’ju fshehur shpalljes “non grata”. Ai tha se Berisha është ish-komunist pa burrëri dhe bashkë me njerëzit që ka mbledhur rreth tij janë llumi i PD-së që tashmë është vetëpastruar.
Madje shefi i selisë blu shkoi deri atje se paralajmëroi Partia Demokratike rrezikon të shpallet organizatë antiamerikane në rast se në krye të saj vjen ish-kryeministri Sali Berisha. “Berisha ka themeluar një organizatë antiamerikane. Deri sot nuk ka ekzistuar një organizatë amerikane. Pa SHBA-në ky komb do të kishte një fat krejt ndryshe.
Ne mund ti fajësojmë sa të duam për gabimet tona, por çdo popull ka qeverinë që meriton. Ajo që pamë sot nuk janë vlera, antivlera, llumi i shoqërisë dhe kanë qenë llumi i PD-së, tani i vetëpastruar. Këto janë ditët e përçarjes nga Berisha, gënjeshtrat e tij.
Sot pamë një njeri të frikësuar nga kuvendi i 18 dhjetorit. Ne do ta bëjmë këtë së bashku, ne do ta shpalosim këtë në një kuvend që do të jetë një kuvend demokrat. Në përpjekjen e tij për t’ju fshehur “non gjatas”, Berisha po përpiqet që të fshihet brenda PD-së. Ne ishim në një takim të qetë, të grupi të punës për rininë dhe lidhjen demokratike të gruas me praninë e anëtarëve të grupit të punës dhe kryesisë së PD-së”, deklaroi Basha./Rigels Seliman
