Ilir Shaqiri dhe Sabiani kanë krijuar një miqësi shumë të fortë brenda shtëpisë së “Big Brother VIP”. Kjo miqësi vijon edhe pas përfundimit të reality show-t më të ndjekur në Shqipëri.
Këngëtari e mbështeti balerinin që nga dita e parë dhe e fundit brenda shtëpisë së BB VIP. Nga ana tjetër Iliri nuk qëndronte asnjë ditë pa përshëndetur mikun e tij.
Sabiani u shndërrua në një vëlla për Ilirin, e madje kujdesej për familjen e tij, gjatë kohës që balerini vijonte garën për çmimin e madh që arriti të merrte mbrëmjen finale.
Përveç Sabianit dhe Ilirit, edhe partneret e tyre duket se janë mikesha të mira. Gjatë kohës që Emanuela priste të premten që bashkëshorti i saj të shpallej fitues, ajo ka qenë vazhdimisht në shoqërinë e partneres së Sabianit. Ky i fundit ka zgjedhur që jetën e tij private ta mbajë disi të fshehtë.
Sabiani nuk poston foto me të, partnerja e tij shoqe me bashkëshorten
Gjatë qëndrimit të tij në “Big Brother VIP”, Sabiani zbuloi disa detaje nga jeta e tij. Fakti që ai ishte bërë baba për herë të dytë me partneren e re pas divorcit nga nëna e Keisit, dihej nga rrethi i ngushtë i miqve të këngëtarit, pasi ai preferonte të mos e bënte publike këtë pjesë të jetës së tij.
Por pasi u bë pjesë e shtëpisë më të famshme në Shqipëri, ai foli për djalin 3- vjeçar, Enes, i cili ishte befasia e produksionit për Sabianin brenda shtëpisë. Mirëpo, ka tërhequr vëmendje që Sabiani nuk ka folur për bashkëshorten e madje as në rrjetet sociale nuk ka postuar foto me të.
