Deputeti socialist Erion Braçe ka paralajmëruar se ditën e nesërme do të denoncojë publikisht tregtarët që kanë bllokuar mallin dhe lëndët e para.
Përmes një postimi në Instagram Braçe shkruan se do denoncojë këta tregtarë që me bllokimin e mallrave kanë sjell rrjedhimisht edhe rritjen abuzimeve të çmimeve në vend. Sipas Braçes, tani grosistët e mëdhenj janë tre, Meta, Berisha dhe tregtarët e mëdhenj.
“Grosistët e mëdhenj tani janë tre! Politikë/ Ekonomi, Berisha, Meta tregtarët e mëdhenj! Nga nesër do denoncoj me emër tregtarët që kanë bllokuar mallin, lëndët e para, për të rritur çmimet abuzivisht”, shkruan Braçe.
Çmimet e produkteve të shportës, por edhe çmimet e karburanteve në vendin tonë janë rritur ndjeshëm. Prej tre ditësh qytetarët kanë protestuar në gjithë vendin duke kundërshtuar rritjen e çmimeve.
Ndërkohë, qeveria ka ngritur një bord mes qeverisë dhe furnitorëve të naftës për të ndalur abuzimet me çmimet. Bordi Kombëtar i Administrimit të Karburantit do të kontrollojë çmimin e naftës në vend, ndërsa kryeministri Edi Rama u ka bërë me dije sot furnitorëve së do të vendosin një çmim ndryshe, do të humbasin pikën e karburantit.
Autoriteti i Konkurrencës ka nisur hetimin për kompanitë që tregtojnë produktet e shportës, konkretisht për kompanitë që tregtojnë vaj, miell, vezë, oriz dhe sheqer. Prej 25 shkurtit Autoriteti i Konkurrencës ka nisur monitorimin e kompanive të tregtimit të karburanteve.
