Drejtuesja e Komitetit Teknik, Mira Rakacolli ka njoftuar ditën e sotme se është vendosur që Universitetet do të zhvillojnë mësimin vetëm online, ndërkohë që konviktet do të mbahen të mbyllura.
Në një deklaratë për median, Rakacolli gjithashtu njoftoi se Komiteti Teknik i Ekspertëve po vlerëson edhe mbylljen e pjesshme për aktivitete e lokaleve, bareve e në zonën e Bllokut në Tiranë si vatra rreziku për përhapjen e COVID-19.
“Është e nevojshëm të kemi masa shtesë për të frenuar përhapjen e infeksionit në këtë kuadër Komiteti Teknik ka analizuar situatën rrisqet me të cilat po përballem i, situatën në rajon dhe Europe, ecurinë e epidemisë dhe kemi vendosur unanimisht të propozojë që universitetit të zhvillojnë vetëm mësim online, pra mësim në distancë pa prezencë fizike për të paktën një muaj duke vijuar të vlerësojmë situatën në dinamike. Konviktet do jenë të mbyllura.
Njëkohësisht, Komiteti Teknik po vlerëson mbylljen e bareve e kafeneve në zonën e Bllokut në Tiranë pas orës 22.00, duke qenë se konstatohet një vatër rreziku të madh potencial nga grumbullimet në atë zonë gjate orëve të natës.
Për dy javët e fundit incidenca e rasteve me COVID-19 për Shqipërinë është 130 për 100,000 banorë. Aktualisht jane rreth 500 vatra aktive ne vend, 35% e te cilave jane perqendruar ne tirane.
Vlerësohet se rastet e rritura pozitive përkojnë me hapjen e shkollave, bareve dhe restoranteve dhe njëkohësisht me fazën e lehtësimit të masave shtrënguese por dhe me sezonin e vjeshtes që sjell më shumë grumbullime në ambjentet e brendeshme dhe rritje të kontakteve në ambiente të mbyllura.
“Një thirrje për të gjithë, për të zbatuar rregullat e vendosura, nëse nuk ka disiplinë do të rrezikojme mbylljen që askush nuk e do.
Secili prej nesh e ka në dorë të frenojë përhapjen e epidemisë.
Vendimi që kemi marrë për maskën e detyrueshme është një vendim i drejtë, i provuar tashmë për dobinë e tij. Mbajeni maskën kudo dhe ruani distancimin fizik, pa harruar higjienën e duarve”, tha Rakacolli.
