Presidenti maqedon, Stevo Pendarovski ka ndryshuar qëndrim në lidhje me Ballkanin e Hapur. Pak orë pasi deklaroi se ishte kundër nismës derisa në të nuk marrin pjesë të gjithë shtetet, ai ka ardhur me një reagim të ri në rrjetet sociale:
“Deri më tani, Ballkani i Hapur është nismë plotësuese me nismat e tjera rajonale dhe nëse qëndron kështu do të vazhdojë të ketë mbështetjen time” – thotë kreu i shtetit mbrëmjen e së enjtes.
Më parë Pendarovski u kritikua nga disa zëra, ku më i ashpër ishte qëndrimi i kryeministrit Zoran Zaev.
“Është e pakuptueshme se pse dikush do të ishte kundër miqësisë me fqinjët, kundër përafrimit të të rinjve dhe popujve të Ballkanit Perëndimor dhe kundër shkëmbimit më të lehtë ekonomik ndërmjet vendeve të rajonit” – tha Zaev sot.
