Fotografohet bërthama e madhe e raketës kineze e cila peshon plot 21 ton pritet të bjerë ditën e nesërme në tokë, e cila tashmë sipas një vëzhguesi qielli në Itali që është pjesë e projektit “Virtual Telescope” ka thënë që raketa është futur në atmosferën e Tokës.
Ndryshon ora e rënies së raketës kineze në tokë, në listën e vendeve të rrezikuara edhe Shqipëria e Kosova, ekspertët bëjnë publike informacionet e rëndësishme
Sipas ekspertëve, përforcuesi 21 tonësh është mjaft i madh sa që disa pjesë ka të ngjarë të arrijnë në tokë.Shanset janë që çfarëdo mbeturinash që bien në tokë, të bien mbi ujërat e hapura.
Por nuk ka asnjë garanci që mbetjet e “March Long 5B” nuk do të bien mbi një zonë të populluar.
“Komanda Hapësinore e SHBA-së është në dijeni dhe përcjell vendndodhjen raketës kineze në hapësirë, por pika e saktë e hyrjes së saj në atmosferën e Tokës nuk mund të përcaktohet,” tha agjencia amerikane e mbrojtjes ndërsa gjurmonte mbeturinat nga Pentagoni më 5 maj.
Pritej që raketa kineze të kryente një manovër aktive për të deorbituar vetveten, por kjo nuk duket se ndodhi. Në konferencën për shtyp përpara nisjes, Komandanti i Përgjithshëm i raketës “March Long 5B” – Wang Jue – u tha gazetarëve se “March Long 5B” ishte përmirësuar që nga hera e fundit, por nuk u përmend asnjë manovër e mundshme deorbit.
Bazuar në orbitën e tij aktuale, gjurmët e mbetjeve ka të ngjarë të bien diku deri në veri si New York, Madrid ose Pekin dhe deri në jug si Kili Jugor dhe Wellington, Zelanda e Re, ose diku në mes.
Rrezikon edhe Shqipërinë, Italia ngre alarmin për raketën kineze, 9 rajone në gatishmëri, thirrje qytetarëve të qëndrojnë në ambiente të mbyllura
Edhe pse ekspertët kishin bërë një hartë paraprake të rënies së raketës, duket se zona e rënies së mundshme në këtë rast është e kufizuar akoma më tej nga trajektorja e fazës së raketës.
Mbetjet mund të bien në 41.5 gradë gjerësi gjeografike veriore dhe 41.5 gradë gjerësi gjeografike jugore, pjesë në këtë hapësirë gjeografike është edhe Shqipëria.
Një nga vendet që mund të preken është edhe Italia. Kjo e fundit ka marrë masa paraprake në 9 rajone të vendit.
Në Umbria, Lazio, Abruzzo, Molise, Campania, Bazilikata, Puglia, Kalabri, Siçili dhe Sardenja, qytetarëve u është këshilluar të qëndrojnë në ambiente të mbyllura, për të shmangur çdo lëndim të mundshëm nëse ndodhe që pjesë të raketës të bien atje. Ndërkohë që mbrëmjen e djeshme një teleskop në Itali ka arritur të fotografojë raketën kineze.
Virtual Telescope me bazë në Itali kapi imazhin e raketës, e cila dukej si dritë e ndritshme, ndërsa kalonte mbi teleskopin robotik “Elena”. Në trajektoren e rënies mund të përfshihet edhe vendi ynë, por ekspertët ndërkombëtarë deklarojnë se mundësitë më të mëdha janë që pjesë e raketës do të bien në ujë.
