Deputeti i PD-së, Edi Paloka ka reaguar dje pas publikimit të raportit vjetor të Departamentit Amerikan të Shtetit mbi strategjinë e kontrollit të trafikut ndërkombëtar të lëndëve narkotike për Shqipërinë.
Sipas tij, DASH njollosi qeverinë Rama për krim, korrupsion, trafiqe e pastrim parash, por kjo nuk e ndalon ambasadoren e SHBA-së, Yuri Kim të mbështesë plotësisht kryeministrin Rama. Paloka ka sulmuar ambasadoren, duke u shprehur se kjo e fundit ka shkelur jo vetëm etikën, por edhe rregullat diplomatike.
“Nuk ka shkelur jo vetëm etikën dhe rregullat diplomatike, por dhe konventat ndërkombëtare!”, shkruan Paloka. Gjithashtu, deputeti i grupit të Sali Berishës, që është shpallur “Non Grata”, kërkon nga SHBA që të njëjtat masa që u morën për ish-kryeministrin të vendosen edhe për ministrat e Ramës. “Ndërkohë asnjë ministër i kësaj qeverie nuk është shpallur “non grata” megjithë akuzat e përvitshme të Departamentit të Shtetit !
“Non Grata” është shpallur Berisha, edhe pse askush nuk ka arritur të artikulojë qoftë edhe një fakt kundër tij edhe atëherë kur këtë e kanë kërkuar me këmbëngulje ne Senatin Amerikan!”
Paloka shprehet se kryeministri Rama, kryedemokrati Lulzim Basha dhe deputeti Taulant Balla janë bashkë, dhe ajo që i nxjerr “zbuluar” sipas tij është fraza që vazhdojnë të përsërisin shpesh për të mos votuar kandidatët “Non Grata” të Sali Berishës.
Sidoqoftë Rama, Basha dhe Balla , vazhdojnë të recitojnë të njëjtën frazë: “Mos votoni kandidatët “Non Grata” të Berishës”, tha ai. Deputeti i PD-së përmend edhe votat që kryeministri dhe Lulzim Basha bashkuan në Parlament lidhur me zgjatjen e institucioneve të vetingut. “Pastaj del ndonjëri në selinë e uzurpuar me policët e Ramës dhe deklaron që Rama e Berisha janë bashkë! Kjo deklaratë del më e bukur sidomos kur e bëjnë pasi kanë bashkuar dhe votat me Ramën në Parlament.
