MSC World Europa, një anije lundrimi luksoze me vlerë një miliard euro, është nisur për në Doha për të qenë akomodimi i partnereve të futbollistëve anglezë gjatë Kupës së Botës 2022 në Katar.
Gazeta The Sun publikoi se në këtë anije luksoze partneret e futbollistëve anglezë do të mund të shijojnë sallone bukurie, dyqane dizajni, gjashtë pishina, 14 xhakuzi me pamje nga deti, një pistë patinazhi, 13 restorante, një mikro birrari të famshme dhe e famshmja The Venom Drop, rrëshqitësja më e gjatë në det.
Si kuriozitet, MSC World Europa është klasifikuar si ‘off-shore’, kështu që alkooli mund të konsumohet në bord (konsumimi i alkoolit nuk lejohet në Katar).
Daily Mail raportoi se futbollistët, të cilët do të qëndrojnë në hotelin luksoz të Dohas, Souq Al Wakra nën kontrolle të rrepta, nuk do të lejohen të ngjiten në ‘pallatin lundrues’ ku do të qëndrojnë partneret e tyre. Familjet e futbollistëve do të duhet të paguajnë mbi 7000 euro për të qëndruar në anije.
Tashmë shtypi anglez është duke vënë baste për emrat e partnereve që do të qëndrojnë në anije. The Sun ka raportuar se modelja Anna Modler është regjistruar për t’u bashkuar me Eric Dier dhe Georgina Irwin do t’i bashkohet Aaron Ramsdale.
