Një grua 39-vjeçare, e cila dyshohet se kishte shpuar fshehurazi prezervativët e partnerit të saj, u shpall fajtore për sulm seksual nga një gjykatë gjermane dhe u dënua me gjashtë muaj burgim me kusht.
Sipas një raporti të DW, gjyqtari tha se bëhet fjalë për një rast sulmi seksual të njohur si “vjedhje”, ku njëri partner gjatë aktit seksual shpon prezervativin pa pëlqimin e tjetrit. Ajo që është e pazakontë në këtë rast, megjithatë, është se kjo lëvizje është bërë nga gruaja: “Ne sot kemi shkruar një histori juridike këtu”, tha gjyqtarja Astrid Salevski.
Rasti ka të bëjë me një 39-vjeçare, e cila ka pasur marrëdhënie miqësore me një 42-vjeçar, me të cilin, megjithatë, kanë kryer marrëdhënie seksuale të herëpashershme. Të dy u takuan online në fillim të vitit 2021.
Sipas raportimeve në mediat gjermane, gruaja zhvilloi ndjenja të thella për 42-vjeçarin, por e dinte që ai nuk donte të angazhohej për një lidhje afatgjatë.
Rezultati ishte se 39-vjeçarja mendoi të shponte fshehurazi prezervativët që partneri i saj la në komodinën e tij, me shpresën për të mbetur shtatzënë, por përpjekjet e saj rezultuan të pasuksesshme.
Ajo zbuloi veprimet e saj në një mesazh që i dërgoi 42-vjeçarit në WhatsApp duke i thënë se mendon se është shtatzënë. Në këtë mesazh ajo pranoi se po dëmtonte qëllimisht prezervativët e tij. Rezultati ishte se ai ngriti një padi kundër saj.
Kur çështja e paprecedentë mbërriti në gjykatë, prokurorët nuk mundën të përcaktonin se cilat akuza duhet të ngriheshin ndaj 39-vjeçares. Pasi hetoi fillimisht nëse akti përbënte përdhunim, gjyqtari vendosi ta cilësonte aktin si “sulm seksual”, pasi ajo veproi pa dijeninë e partnerit të saj.
“Jo do të thotë jo”, shtoi gjyqtari gjatë seancës, duke iu referuar dëshirës së 42-vjeçares për të mos pasur fëmijë.
