Nga Fatjon Baze
Kudo në botë në momentet që një kombëtare apo një skuadër humbet një ndeshje, sidomos me një rezultat dhe paraqitje turpëruese në fushën e blertë, kritikat janë gjithënjë të pranishme pas përfundimit të takimit.
Nëse në vendet e tjera, kritikat pranohen dhe merr për bazë për tu përmirësuar, në vendin tonë kritikët ofendohen nga zyrtarë me një fjalor rrugaçërie.
Shëmbulli i denjë janë punonjësit e të ashtëquajturit institucion, siç është Federata Shqiptare e Futbollit, ku presidenti Armand Duka ka lëshuar me një fjalor vulgar zagarin e tij që e ka zedhënës, të ofendojë në mënyrë skandaloze të gjithë tifozët shqiptar që ishin në “Wembley”, në Shqipëri e kudo, si dhe opinionistët që shprehën me të drejtë kritikat e tyre pas asaj disfate turpëruese që në pjesën e parë me Anglinë me rezultatin 5-0.
Të mundesh nga një kombëtare si Anglia me këtë rezultat, edhe mund të pranohet sepse ata janë një super fuqi në futboll.
Ama të shprehesh një kritike për shkak të një vendosje të ç’organizuar, duke mos arritur dot të krijosh një rast vetë, duke mos bërë dot as dy pasime, lëre pastaj një aksion të rrjedhshëm, janë gjërat më normale që i thuhen një kombëtareje. Këtë gjë shprehen pas sfidës me “Tre Luanët”, tifozët dhe opinionistët shqiptar.
Ajo që morëm si përgjigje ishte gjuha prej rrugaçi e një zyrtari që Armando Duka e ka punësuar dhe e paguan ende në këto momente si zëdhënës, i cili duhet flakur nga zyra, pas përgjigjes ku iu drejtua kritikëve me fjalët: “Shkoni mer q*huni”.
Nëse kjo frazë do ishte përdorur nga zëdhënsi i Anglisë apo kujdo kombëtareje tjetër (ata as që imagjinojnë), ai do ishte shkarkuar në sekond dhe do përballej me një revoltë akoma më të ashpër me kritikët.
Gjjuha e tij prej një kamikazi nuk është për herë të parë, pasi dhe para disa muajsh me të njëjtin fjalor kërkonte që policëve bashkiak të Tiranës t’i vihej flaka me benzinë, ndërkohë që zyrtarëve të FSHF-së nuk u lejohen të përfshihen me çështje politike, pavarsisht se duke filluar që nga Armand Duka etj përfshihen kokë e këmbë haptazi në fushata elektorale, siç ishte rasti i zgjedhjeve të fundit më 25 prill.
“Zotria” që vijon ende në mënyrë të turpshme të paguhet nga Duka, duhet të kuptojë se mban një post që çdo vulgaritet që përcjell merret si një mesazh nga FSHF-ja, ndaj nëse kjo e fundit nuk distancohet, tregon se ai do të jetë shpërblyer nga shefi i tij për ofendimet e kryera në atë gjuhë.
Ky komunikim në publik, është tregusi i qartë së çfarë kulture ka ai i ashtëquajtur institucion i FSHF-së, i cili është kthyer në një ndërmarrje private e përfituese e familjes Duka.
Një godinë e mbushur me zyrtarucë dhe e mbuluar nga llumi që e ka zhytur futbollin shqiptar në skandale e turpërime në Europë.
Ata e duan FSHF-në për qoka, për përfitime, e ahengje nëpër tallavatë e Europës. Shikojini pamjet dhe njerëzit që Duka mban afër se si dëfrehen nëpër udhtimet e tyre jashtë Shqipërisë ku shoqërojnë si delegacion ekipin kombëtar.
Shikoni se për çfarë e shfrytëzojnë. Për të bredhur nëpër pube me striptiste ku jo vetëm dalin si qesharak, por shfaqen me simbolet e Shqipërisë duke u hedhur lek nën avujt e alkolit çdo striptiste që u dilte përpara.
Këta janë zyrtarucët e FSHF-së, që jo vetëm kanë njollosur Kombëtaren, por dhe simbolet e Shqipërisë.
Dhe nuk e di se për çfarë vlejnë më për t’i pasur në krye të futbollit të tillë individë…
