Ajo cilësohet si Mbretëresha e muzikës pop, me një karrierë gati katër dekada. Megjithatë, Madonna duket ende si një adoleshente, të paktën sipas fansave të saj.
Këngëtarja 63-vjeçare postoi disa foto të saj të fundit në rrjetet sociale, ku kishte përdorur edhe filtra nga Instagrami (patjetër!).
Fansat reaguan menjëherë, duke lënë pas projektet e këngëtares dhe u morën më shumë me pamjen e saj. “Ajo duket si 16 vjeç. E ka fytyrën si një fëmijë”, shkroi dikush në rrjetet sociale.
Një tjetër nga fansat e quajti këngëtaren e madhe “Perëndeshë”, ndërsa një tjetër shkroi se ajo duket thjesht fantastike dhe spektakolare.
Megjithatë, nuk ishin të pakët ata që ngritën dyshime ndaj yllit të popit për ekzagjerimin e përdorimit të programit Photoshop, mjaft i përdorur nga personazhet VIP.
“Na trego fytyrën tënde të vërtetë”, shkroi dikush. Mbetet për t’u parë nëse Madonna do të bëjë një reagim për këtë. Jemi të sigurt se fytyra e saj është yll.
