Pasditen e sotme përpara Kryeministrisë u organizua një protestë për rritjen e çmimit të naftës gjatë ditëve të fundit.
Protagonistë të kësaj proteste të cilët morën fjalën në emër të qytetarëve ishin edhe disa personazhe jo të panjohur për jetën publike dhe veçanërisht atë politike.
Duke nisur me Mirela Karabinën, përfaqësuese e Partisë Demokratike, ish Ministrja e Arsimit, e propozuar nga Lulzim Basha në vitin 2017. Më shumë se sa një qytetare e indinjuar për çmimin e naftës, Karabina foli gjatë protestës si politikane duke akuzuar për papërgjegjshmëri e vjedhje qeverinë shqiptare.
Më tej, Ervin Resuli që foli në emër të blegtorëve e fermerëve njihet si aktivist dhe eksponent i LSI në Fier. Resuli po ashtu, foli si një politikan që hallin e kishte te akuzat ndaj qeverisë së papërgjegjshme, më shumë se sa te nevojat e fermerëve.
E radhës ishte edhe Edlira Çepani, bashkëshortja e ish deputetit dhe zyrtar i Partisë Demokratike, Gert Bogdani.
Protestës kundër rritjes së çmimit së naftës i janë bashkuar edhe mbështetës të Sali Berishës si Albana Vokshi, Ish- nënkryetari i FRPD-së, Lisandër Hoxha, dhe Indrit Hoxha anëtar i Këshillit Kombtar të PD.
Por më të paparë ishin dy lojtarë të Nisma Thurjes Pano Soko ish drejtor i Financave të Agjensinë e Burimeve Natyrore që vodhën dhe shkatërruan naftën e Ballshit nën drejtimin e kryehajdutit Besjan Pesha dhe nën komandën e Ilir Metës, që i shkarkoi brënda ditës nga të gjithë funksionet, i trembur nga babëzia dhe makutëria e tyre dhe ushtari i vogël i bandës që hiqet si avokat i madh Adriatik Llapaj.
