Për shkak të teksteve vulgare dhe muzikës pa shije, apo që këndohen nga këngëtarë të cilët vokalin “e përforcojnë” nëpër studio, shumë lokale në Tiranë, i janë rikthyer këngëve të fundit të viteve ’80.
Nën interpretimin e të njëjtëve emra, apo të përpunuara nga këngëtarë të rinj e të talentuar, në lokalet e Tiranës është rikthyer jo thjesht nostalgjia, por melodia me tekste që kanë kuptim, sikurse edhe interpretimet mjeshtërore të artistëve të vërtetë.
Anita Bitri është këngëtare dhe autore këngësh shumë e njohur në fillim të viteve ’90.
Një ndër këngët e saj që dëgjohet ende sot është edhe ajo me titull “Dashurinë e parë”.
Ndonëse sot këngëtarja e mirënjohur vlonjate nuk jeton më, ajo mbetet një ikonë dhe vështirë të harrohet për thesarin artistik që la pas.
Dashurinë e parë
Dashurinë e parë kush nuk e provoi?!
Dhimbjen që la pas, kush nuk e këndoi, e këndoi.
Ku shkuan fjalët që mi thoshnje me aq zjarr?
Ku shkuan lulet që m’i sillje plot me vesë?
Ku fluturoi dashuria jonë e parë?
Ku shkoi motivi që më zgjonte çdo mëngjes?
Një këngë e vetme jo nuk është rinia
Po veç një dhimbje kam dhe do ta them
Se një prej këngëve është dhe dashuria
Dhe kënga ka një strofe, por ka dhe një refren.
Jo, unë s’e besoj, ta kem të lehtë që ta mohoj
Kur dashurinë e parë, jo nuk e harroj
Mos më thuaj s’më kujton, asnjëri s’do ta besoj
Diku në endrra do t’vij vetë të takoj./NOA.al
