Më 29 korrik 2002, u nda nga jeta aktori i paharruar Adem Gjyzeli, një figurë e dashur e teatrit dhe ekranit shqiptar. Me një prani të veçantë, zë të ngrohtë dhe talent të natyrshëm, ai mbeti në kujtesën e publikut për rolet e tij të sinqerta, të thella dhe njerëzore. Kontributi i tij në skenën shqiptare ishte i paçmueshëm, duke interpretuar personazhe që i dhanë shpirt artit dhe prekën zemrat e spektatorëve.
Lindi ne Cameri, me 15 tetor 1941. Familja e tij u vendos ne Shqiperi pas debimit te popullsise came nga Greqia, me 1945. Ne vitet 1955-1959, kreu liceun artistik “Jordan Misja” per aktrim dhe ne vitin 1958 u aktivizua ne Teatrin Popullor ne dramen Te rinjte e Vangjush Vincanit.
1959 – 1960 punon si aktor prane Estrades Profesioniste te qytetit te Gjirokastres duke interpretuar role te shumta; 1960 – 1964 vanzhdon studimet per aktor ne shkollen e larte per aktore “Aleksander Moisiu”*. Me perfundimin e studimeve, A. Gjyzeli emerohet aktor ne teatrin profesionist te qytetit te Vlores. Qe nga kjo dite e deri kur doli ne pension ka realizuar rreth 120 role, nga keto 80 kryesore. Aktor ekspresiv, i vrullshem, emocional, me potence dhe natyre shperthyese, qe ka mbajtur nje peshe te madhe ne trupen e teatrit te Vlores. Nder interpretimet e tij me te spikatura jane ato ne dramat Ne emer te lumturise, Nje dashuri e tille, Shoket, Fytyra e dyte, Rrenjet, Shtepia ne Bulevard, Mbi germadha, Rruga “Budi 723” Berberi I Seviljes, Shume zhurme per asgje etj.
Vec debutimit te tij si aktor ne teater, ka marre pjese edhe ne rreth 13 filma, duke realizuar, edhe aty, figura dhe karaktere interesante. Ishte nder aktoret e aktivizuar pothuajse net e gjitha koncertet e fjales artistike ne qytetin e Vlores, te realizuara ne festa apo mbremje jubilare. Ka dhene ndihmese edhe ne levizjen amatore si regjisor. Eshte nderuar me urdhrin “Naim Frasheri I Arte”.
