Pas protestës së dështuar të Doktorit në bulevard kundër “Ballkanit të Hapur”, Muli shpjegoi se ku qëndronte suksesi i mungesës së entuziasmit në protestë.
Për këtë, ai bëri një shpjegim filozofik të “Ballkanit të Hapur”:
“Të dashur demokratë!
Të gjithë ata që duan të akuzojnë Doktorin se është kundër hapjes së Ballkanit, janë njerëz dashakeq, që nuk kuptojnë filozofinë e Doktorit.
Doktori nuk ka gjë me popujt e Ballkanit, madje as me serbët apo boshnjakët, si popuj sllavë.
Doktori e ka me Edi Ramën dhe Vuçiqin, se këta të dy e bëjnë që të rregullojnë punët e tyre me Perëndimin dhe të vjedhin rehat në vendet e tyre.
Doktori ka qenë njeri mendjehapur sa i përket kësaj teme.
Gruaja e tij e kishte nënën qytetare të Beogradit dhe ridhte nga një familje me kontribute të mëdha për Serbinë.
Madje dhe vetë ka kontribuar si e re në radhët e OZNAS.
Por që kur u martua në Shqipëri dëshmoi dhe dashurinë për shtetin shqiptar, pasi nga viti 1963 bashkëpunoi rregullisht me të.
Pra Doktori nuk ka pas komplekse nga serbët.
Më tej akoma dhe vajza e tij u martua me një boshnjak, duke krijuar nëj familje multi-etnike serbo- shqiptaro- boshnjake, që është familje model në Shqipëri sa i përket origjinës etnike dhe bashkëjetesës mes serbëve, boshnjakëve dhe shqiptarëve.
Asnjë politikan tjetër nuk ka treguar dimension kaq tolerant në familje, sa i përket origjinës etnike sa ka treguar Doktori.
Ndaj të gjithë ata që duan ta përgojojnë Doktorin si luftënxitës të Ballkanit, janë dashakeq.
Doktori do që këtë që po bën Vuçiqi dhe Rama, ta bëjë ai, se ai e bën më mire, pasi është dhe dhëndër i Serbisë, dhe krushk me boshnjakë, dhe me origjinë shqiptare.
Është një monument i “Ballkanit të Hapur”.
