Edhe në Korçë, ashtu si në Durrës, në foltore u shfaq një person në kërkim. Ky ishte për vjedhje.
Doktori pas kësaj u mërzit shumë dhe e qortoi ashpër Mulin për humbje vigjilence.
Pas kësaj, Muli i premtoi se do të sqaronte demokratët:
“Të dashur demokratë!
Ju e patë që dhe në foltoren e Korçës u shfaq një person në kërkim.
Në fakt ai është demokrat i vërtetë, se ka bërë sakrifica duke u përballur me pushtetin e Edi Ramës dhe duke ju kundërpërgjigjur vjedhjeve të tij, me vjedhje.
Por pavarësisht kësaj, ne duhet të bëjmë më shumë kujdes në të ardhmen në këtë pikë.
Tani po ju sqaroj ju pse ndodh ky fenomen.
E thirra këtë tipin që doli në tribunë dhe që ishte në kërkim.
I thashë kush të tha të vije këtu?
-Po bre, tha. Ta shpjegoj unë.
Dëgjoja nëpër Korçë që po kërkojnë njerëz për foltore, po kërkojnë njerëz për foltore.
Po ç’janë këta njerëz që kërkojnë bre byrazer, pyeta këtë të PD?
-Po njerëz të kërkuar për foltore, më tha.
-Tëmën e sëmës, thashë. Po unë këtu jam i kërkuar nga policia e po rri në shtëpi.
Këta kërkojnë njerëz kot rrugëve.
Më tu ngritur, bëra e erdha këtu. Ja kaq ishte.
-D.m.th nuk ka gisht Edi Rama, i tha Muli?
-Po çne bre byrazer Edi Rama.
Mua më ‘90 më ka kërkuar PD dhe më tani më kërkon policia.
Çne Edi Rama të më kërkojë mua.
Dikur kam qenë njeriu më i pakërkuar thashë me vete, se më largoheshin të gjithë.
Tani më kërkojnë të tërë, policia më kërkon, gjykata më kërkon, prokuroria më kërkon, Doktori më kërkon.
Dhe erdha tek Doktori. Ja bre byrazer, kaq qe”.
