Doktori ka vendosur sot të mos marrë dietat për “Foltoren”, të cilat Kuvendi ja ka derdhur në llogari të tij të rrogës.
Lajmi ngjalli debate të mëdha tek skuadra e Mulit, pasi ai u kishte premtuar atyre se për gjithë këtë fushatë do paguheshin.
Sapo u bë publik njoftimi i Doktorit , Muli trokiti në zyrë.
-Doktor, erdha për këtë punën e dietave…
-Jo, nuk i marr dietat.
Nuk bie pre e propagandës Edi Ramës unë, të thotë që munde Lul Bashën me lekët e Parlamentit.
-Dakord Doktor, e di, shumë mirë ke bërë.
Por desha të them, që dhe unë do t’i refuzoj.
-Duhet me i refuzue. Duhet të marrësh vetëm ato që të takojnë për në Kukes.
-Jam deputet i Kamzës, Doktor.
Në Kukës, Lul Brava çoi atë tradhtarin …
-Ah po. Nuk ke për ti marrë. Bravo.
Shumë mirë e ke menduar.
-Po Albana, Doktor, se dhe ajo deputete e Tiranës.
-Shumë mire, më bëhet qejfi që dhe ajo i ka refuzuar.
-Po Belindi, Doktor, se ka bërë ca shpenzime për Forumin…
-Ashtu bravo. E dija që është djalë me karakter.
Ka bë shumë mirë që i ka refuzue.
-Dakord, ja për këto të desha, tha Muli, se janë në siklet.
Si mund t’i marrin ata lekët kur nuk i merr ti.
Aq më tepër që kjo është fushatë që duhet të na bashkojë, jo të na ndajë.
-Patjetër duhet t’i refuzoni të gjithë.
-Po këta të Syrit, Doktor, që na kanë bërë regjinë dhe kanë qenë me ne në çdo qytet, t’i kërkojnë lekët Zenit apo tingëllon keq?
-Ata o zotëri janë njerëz të fjalës së lirë, luftojnë për parime, jo për lekë.
Nuk kanë për t’i kërkuar kurrë Zenit lekët.
E dinë perse luftojnë ata.
-E shumë mire, se për ata kisha më shumë problem, tha Muli dhe doli i lehtësuar.
