Një lajm i madh ka pushtuar Partinë Demokratike.
Këshilltari Henz zgjodhi mes Doktorit dhe Lulit.
Ai vendosi më në fund të jetë me Doktorin.
Këtë lajm Muli ua bëri të ditur sot demokratëve, ndërsa prisnin Doktorin në Vlorë:
“Demokratë të dashur!
Këshilltari Henz ka braktisur Merkelin, ka braktisur SHBA dhe është me Doktorin.
Ky është një lajm i madh.
Do thoni ju çfarë na duhet ne me këshilltarin Henz.
Na duhet zotëri. E para, ai tregon se Perëndimi i vërtetë, Gjermania e vërtetë, SHBA e vërtetë, është me Doktorin.
Të tjerët janë me Sorosin.
Këshilltari Henz nuk është njeri dosido .
Ai ka Tuiter, ka Facbook, biles ka dhe Instagram.
Këto janë armë të fuqishme në duart e tij, pro nesh.
Pas këshilltarit Henz pritet që dhe këshilltarët izraelitë të Lulit të bëhen me Doktorin.
Falë këshilltarit Henz tanë bota do marrë vesh të vërtetën mbi Doktorin, në gjermanisht dhe anglisht.
Së dyti, ardhja e këshilltarit Henz bëhet në një kohë kur CDU gjermane mund të dalë në opozitë pikërisht se nuk ka marrë parasysh këshillat e tij.
Tani ai do jetë në dispozicion të Doktorit dhe mund të jetë faktor vendimtar për fitoren e tij.
Së treti, që ka shumë rëndësi, këshilltari Henz ka pranuar që ne t’i heqim vetëm hotelin dhe ushqimin dhe ai është gati të rrijë në Shqipëri për të qëndruar përkrah nesh në betejën tonë.
Kjo tregon se ai nuk është as i korruptuar.
U bëj thirrje dhe këshilltarëve të tjerë të ndjekin shembullin e tij”.
