Referencë për SPAK e BKH/ Pas denoncimeve në “Pamfleti”, donatorët e huaj kanë kërkuar nga Ministria e Financave, verifikimin e përdorimit të grandeve agro-blegtorale, prandaj ministresha e Bujqësisë, është futur në panik dhe ka nxituar të “pastrojë” zullumet me korrupsionin, falsifikimet në kreditim, ku 93 milionë Euro u janë dhënë ndërtuesve të kullave, agjensive turistike e pronarëve të resorteve me interes 0-1%, me letra si gjoja “fermerë strategjikë”
Dy javët e fundit, “Pamfleti” publikoi aferat e korrupsionit, që ish-drejtoresha e AZHBR Frida Krifca, aktualisht Ministre Bujqësie, ka bërë me fondet shtet dhe grandet e huaja, të vërtetuara nga KLSH dhe të kallëzuar në SPAK, nga fermerë të Elbasanit, Lushnjës, Korçës, Fierit e Beratit.
Pas publikimit të provave, ministresha Frida Krifca, ose “Luleshtrydhja”, është futur në panik nga një hetim i pritshëm i SPAK e BKH; dhe ka çuar një grup “pastrimi” dosjesh në arkivën e Agjencisë së Zhvillimit Bujqësor Rural.
Ky grup do modifikojë, minimizojë e zhduk sa të mundet, dosjet me zullumet korruptive, shpenzime luksi e vjedhje, që ministresha Krifca ka bërë me fondet buxhetore dhe grandet e huaja, gjatë viteve 2017-2021 kur ishte drejtoreshë e AZHBR.
Drejtimin e grupit që do “shtrydh” dosjet e kredive dhe tenderëve nga abuzimet e shumta financiare, “Luleshtrydhja” ia ka besuar shefes së kabinetit Eni Diçi, të cilën e ka patur “eksperte” të dokumenteve të grandeve e tenderëve në AZHBR, njohur për “aftësi” të tilla dhe kur qenë me Belinda Ballukun në “Albcontrol”.
Sipas informacionit, ky grup po tërheq nga arkiva e AZHBR, dosjet e piketuara nga ministrja Frida Krifca, të cilat po çohen në një “zyrë pune speciale e konfidenciale” te Ministria Bujqësisë; dhe pasi t’u jenë “pastruar” apo zhdukur abuzimet, do rikthehen përsëri në AZHBR.
Ky veprim, është shkelje e rëndë e ligjit për sigurinë e dokumentacionit ekonomiko-financiar shtetëror, mirëpo për ministren Frida Krifca, rëndësi ka siguria dhe karriera e saj, ndaj ka vendosur të “kreh e pastrojë” dosjet me abuzime që e çojnë në pranga.
Burime për “Pamfleti”, kanë bërë me dije, se ndërhyrja e ministres Krifca në dosjet e AZHBR, është bërë pas informacionit se donatorët e shteteve të BE dhe jo vetëm, kanë kërkuar nga Ministria e Financave, të verifikojnë përdorimin e grandeve pa interes, që kanë dhënë për bujqësinë.
Po kështu dhe vetë Ministria e Financave, ka njoftuar AZHBR-në dhe ministren Frida Krifca e cila deri më 9 shtator ka qenë drejtore në këtë agjensi, se në muajin janar 2022 do bëhet audit për fondet që janë dhënë nga buxheti i shtetit.
Këtë skandal, që e di dhe e lejon vetë kryeministri Rama, redaksia “Pamfleti” po e publikon si indicie e referencë për SPAK-BKH, jo vetëm që ta ndalë por dhe ta çojë para drejtësisë.
Sepse ministresha “Luleshtrydhe”, përveç dosjeve të tenderëve për shpenzime luksi dhe piknik në Shqipëri e vende ekzotike të Azisë e Afrikës, synon të “pastrojë” dhe zhdukë abuzimet 93 milionë Euro me kreditë agro-blegtorale, dhënë me 0-1% interes ndërtuesve të kullave dhe bosëve të resorteve, agjencive turistike e sigurimeve me letra fiktive si gjoja “femerë”.
Disa fakte të zbuluara nga KLSH, që shqetësojnë ministren, ish drejtore e AZHBR:
– Ka mbajtur të fshehtë, zhdukjen e kontratave për investime rikonstruksione zyrash rajonale të AZHBR, me vlera mbi 200 milionë lekë, si dhe zhdukja e kontratës 135 milionë lekë, me objekt “Studimi i mizës së ullirit”; për të cilën është kërkuar ndjekje penale.
– Me urdhër të saj, Frida Krifca ka përdorur çdo vit, nga 25% të fondit të grandeve bujqësore e blegtorale, për reklama të punës së saj e mashtrim ndaj donatorëve të huaj.
– Ka vendosur të mos shlyhen 20 miliardë lekë kredi, duke i cilësuar “humbje pa kthim”, kur bizneset që i kanë marrë nuk janë me aktivitet bujqësor e blegtoral.
– Afro 70% e grandeve të viteve 2018-2020, u janë dhënë me letra false si gjoja fermerë, biznesmenëve të ndërtimit, të transporteve, agjensive turistike e agjensive të sigurimeve; madje dhe ndërtues kullash si firma “ANA Shpk” e familjes së Vilma Nushit.
– Janë bërë 30 akt-padi për debitorët, mirëpo me urdhër të saj, atyre u është kërkuar vetëm zgjidhja e kontratës dhe jo kthimi i milionave që u janë dhënë.
– Në arkën e Agjencisë së Zhvillimit Bujqësor Rural për vitet 2017-2018, mungojnë 2.1 milionë Euro interesa grandesh, për të cilat nuk ka dokumentacion. Të tjera skandale, në vijim./Pamfleti
