Më shumë se dy dekada pas divorcit, Demi Moore dhe Bruce Willis vazhdojnë të dëshmojnë se disa lidhje nuk i nënshtrohen kohës. Sot, ndërsa aktori i madh hollywoodian përballet me demencën, ish-bashkëshortja e tij është pranë, me të njëjtin butësi e përkushtim që ai dikur i dha në vitet më të errëta të jetës së saj.
Para Bruce-it, jeta e Demit ishte një betejë e pafundme. Një fëmijëri e thyer nga braktisja dhe abuzimi, adoleshenca e humbur mes varësive dhe ndjesisë së vetmisë. Ajo mbijetonte, por nuk jetonte. Deri në vitin 1987, kur në jetën e saj hyri Bruce Willis jo vetëm si partner, por si burri i parë që i dha respekt, stabilitet dhe sigurinë e një shtëpie të vërtetë.
Ata ndërtuan një familje së bashku, rritën tre vajza dhe ndanë mbi një dekadë dashuri e përkujdesje. Edhe pasi martesa e tyre mori fund, lidhja mes tyre mbeti e pathyeshme. Festa, pushime, ditëlindje e Krishtlindje i gjendën gjithmonë në të njëjtin rreth, duke e dëshmuar se familja është shumë më tepër se një martesë.
Sot, rolet janë përmbysur. Dikur ai ishte streha e saj e sigurt, tani ajo është strehë e tij. Por Demi nuk e bën këtë nga detyrimi, por nga mirënjohja dhe dashuria që nuk shuhet. Sepse kur dikush të sheh vërtet dhe të do pa kushte, ai lë një gjurmë të pashlyeshme në shpirt.
Dashuria e tyre ka ndryshuar formë, por nuk ka humbur kurrë. Ajo ka marrë një dimension të ri jo më si histori romantike, por si dëshmi se lidhjet e vërteta shndërrohen, rriten dhe mbeten për jetë.
