Në jo pak raste policitë lokale kanë zbuluar tentativa për të transportuar emigrant ilegalë me makina Porsche siç ka ndodhur kur u arrestua D.Xh në Çorovodë me 7 emigrantë në makinë, apo një tjetër në Korcës me 12 emigrantë.
Një makinë e tillë i shpëtoi policisë edhe në Tiranë.
Por oficërët zbuluan targat dhe gjetën se i përkiste një të riu nën masën e arrestit shtëpiak në Kukës.
Në kërkim të së vërtetës dhe se përse makina nuk ndaloi, hetimet e policisë duket se i ka ndihmuar hileja e në tjetër djali që është nën moshë për t’u marrë në përgjegjësi penale.
Ai vetë shkoi në drejtorinë e policisë së Tiranës në rrugën “Myslym Shyri” dhe u dorëzua. Aty deklaroi se do jepte disa sqarime për një ndjekje policore që kishte ndodhur pak orë më herët në rrugët e kryeqytetit.
G.M sipas burimeve të gazetës ishte nën shoqërinë e një avokati dhe për shkak të moshës së mitur atij ju atashua edhe një psikologe.
17 vjeçari tregoi se një ditë më parë policia i ishte vënë në ndjekje dhe se ai nuk kishte ndaluar nga frika e tyre dhe se nuk kishte as leje drejtimi.
“U nisa nga Kukësi së bashku me një shok me emrin A. dhe makinën porsche ia mora në mirëbesim shokut tim që gjendet nën arrest shtëpiak”’- tha policisë 17 vjeçari.
Ai ka përshkruar targat dhe ngjyrën e të njëjtës makinë që prej orësh po verifikohej nga uniformat blu
“ Pasi dolëm xhiro nga darka vendosëm të ktheheshim në Kukës. Diku pranë ish doganës kemi parë disa shtetas të huaj që na i bënë me shenjë të ndalonim. Ndaluam dhe fola anglisht me ta. Më erdhi keq për ta dhe nga keqardhja thashë t’i merrja deri në Kukës”.
17 vjeçari ka vazhduar udhëtimin për në qytetin e tij vetëm disa metra. Në afërsi të qendrës tregëtare “QTU” ai u shkëmbye me një automjet policie
“ Sapo i pashë u tremba mbasi nuk kam patentë dhe i dhashë gaz makinës. Aty na u vu në ndjekje policia dhe vazhdova udhëtimin me shpejtësi. Nga frika kur u shkëputa prej tyre e braktisa automjetin diku. Shoku im zbriti dhe së bashku zbritën edhe emigrantët e huaj që nuk e di se nga shkuan”
Djali i tha policisë se nuk kishte patur asnjëherë ndërmend që të krijonte konflikte me policinë apo të shkelte ligjin. Por megjithatë policia thotë se ka dyshimet e saj se si ka ndodhur ngjarja dhe se do të bindet që ai thotë të vërtetën mbasi të kryejë disa veprime të tjera ekstraproceduriale.
Djali e ka gënjyer policinë se asnjëherë nuk e ka shkelur ligjin.
“ 17 vjeçari rezulton të jetë shoqëruar 7 herë në polici dhe ne nuk duam të mendojmë që ai po gënjen dhe se mund të mos ketë qenë fare në timon, por që po përpiqet të shpëtojë një të rritur nga akuzat” tha jo zyryarisht policia.
Ndërkohë një agjent ka kryer një tjetër veprim hetimor.
Ai ka marrë kontakt me pronarin e makinës i cili rezulton te jëtë vërtetë nën arrest shtëpiak prej vjeshtës së 2021 , në shtëpinë e tij në Kukës.
Ai i tha policisë se “ e kam patur nën pronësi mjetin porsche dhe ja kam shitur G.M . Nuk kam dalë për asnjë moment nga shtëpia mbasi jam nën arrest. Mbasi e kam shitur makinën nuk kam bërë ende një kontratë noteriale thotë ai
Policia tha se pas kësaj dëshmie çështja po hetohet për dhënie ndihmë të kalimit të paligjshëm të kufirit dhe mos bindje ndaj policisë.
