Humoristin e njohur shkodran e përcollën dje mes panikut të virusit dhe fyerjes kulturore. Kortezhi i përmortshëm nuk kishte muzikë funebre ndërsa xhenazeja e të ndjerit nuk kishte përsipër as lule, as kurora por një flamur jeshil me gërma arabe.
Artistin që bëri të qeshte me humorin e tij qytetin dhe miletin, u përcoll dje i infektuar jo nga Coronavirusi por i mbështjellë me hipokrizinë e dëmshme religjioze.
Gëzim Kruja që spërkaste me notat e humorit të tij fenë, atdhenë, folenë, mëmëdhenë dje u përcoll si luftëtarët paatdhe të Isisit Islamik.
Shkodra dhe një nga artistët e saj dje u fye deri në tjetërsim ndaj bëni mirë ta zhvarrosni Gëzimin e hidhëruar dhe zhvishjani atë flamur përçarës. Nëse nuk ka flamur kuqezi Voltana Ademi në Shkodër, njoftoni Ilir Metën në Tiranë tua dërgojë ndonjë se i mbetën stok flamujtë kombëtarë nga protesta e anulluar e 15 marsit!
