Një debat i ashpër u zhvillua mbrëmjen e sotme mes analistit Mustafa Nano dhe gazetarit Ylli Rakipi teksa po flisnin për Kuvendin që ish-kryeministri Sali Berisha thirri sot në stadiumin ‘Air Albania’.
“Kush mendon se u rithemelua PD është k*qe kandari”, tha Nano me tone të revoltuara.
Gjatë diskutimit në studio mes dy analistëve u krijuan edhe përplasje. Ndërkohë që Rakipi e quajti PD parti të Berishës, Nano tha se si Basha si Berisha duhet të largohen. Nano shtoi më tej se ky është maksimumi që mund të arrij Berisha dhe se lëvizja e tij tashmë do të shuhet dalëngadalë.
Pjesë nga debati në studio:
Nëse duhet të ikë dhe Basha dhe Berisha kush duhet të jetë në krye të PD?
Rakipi: Nëse emërohet dikush tjetër aty mbaron procesi. PD ka nevojë për një proces të hapur, një proces gare, të hyjnë njerëz të tjerë ose të mbyllet fare. Nëse do ketë parti me emërime nuk bëhet. Do procese dhe jo iki unë vjen Muçi. Këtu është një bli i tharë dhe duhet të krasitet dhe të mbijë një gjë e re dhe kjo do një proces.
Proces apo emra Nano?
Nano: Unë nuk i shoh dot diferencat mes partisë së Berishës dhe partisë së Bashës. Këta të dy duhet të largohen. Basha është hileqar, humbës serial. Ka marrë votën 100% të atyre që ishin sot në stadium. Për Bashën nuk kemi çfarë diskutojmë.
Por ata që presin të reformojë Berisha PD janë njerëz të marrë. Kush mendon se u rithemelua PD është koqe kandari.
Absurde e quan z. Rama këtë që po ndodh mendoj se për kuvendin e Berishës ka të bëjë edhe kjo ndërhyrje por një absurd që e kemi para syve, real.
Nano: Rama është njeri që po e shijon këtë spektakël dhe nuk shoh ndonjë rol tjetër të Ramës në këtë histori.
Gaboi Rama kur tha se e kishte nxjerr në pension rivalin e tij?
Rakipi: Ne nuk mund të themi asgjë sepse Rama pret të ndodhin këto gjera dhe të fitojë pa bërë luftë. Fitorja e Berishës është fitore e Pirros. Opozita ishte me trekëndësh dhe nuk fitoi dot.
Sot pamë edhe një sulm ndaj ambasadores amerikane që u krahasua me ish-ambasadorët sovjetikë. Ka dështuar zonja Kim për të parandaluar këtë që po shohim?
Nano: Nuk ka dështuar, për mua kjo që ndodhi sot është fillimi i fundit të kauzës së Berishës. Unë kam përshtypjen që do shkrihet dhe PD. Berisha nuk ka se ku të shkojë, ky ishte maksimumi i tij. Ata që janë përgatitur për të marrë SHQUP-in nuk do ta marrin dot. Për Berishën fryjnë erëra të këqia.
Rakipi: Ndoshta është i gabuar ky vendim ndaj Berishës. Ky është një moment i disfavorshëm ku Amerika ka vepruar në mënyrë të pakonceptueshme. Jo më larg se një muaj më parë disa njerëz zbritën nga malet dhe SHBA u largua nga Afganistani dhe presidenti vodhi 160 milionë dollarë. Këtë njeri e kishin mbajtur amerikanët, të cilët më pas thanë se ne kemi fituar.
Çmendoni për deklaratën e Berishës i cili e quajti Bashën peng dhe kufomë politike që qëndron i rrethuar nga policia e shëtit?
Rakipi: Rama duhet ti largojë njerëzit nga aty sepse ia heq edhe ato pak shanse Bashës, Duhet ti lerë ta zgjidhin vetë këtë problem.
Mund të ketë incidente në datë 18?
Rakipi: Nuk besoj. PD zvogëlohet në këtë proces dhe që të rritet do kohë. Këtu ska sistem demokratik dhe ne nuk e dimë nëse do të ketë.
