Nga Anri Bala
Sali Berisha, si i pafytyrë dhe i poshtër që është, vazhdon edhe pse në grahmat e fundit politike, të sillet lartë e poshtë, duke u hequr herë si i persekutuar kur ka qenë persekutor, herë si bashkëvuajtës kur ka vuajtur nga lodhja duke mbushur me shurrë epruvetat e pacientëve udhëheqës të diktaturës, herë si i lodhur nga kazma dhe vareja, kur si sekretari i partisë “udhëhiqte” rininë për të shembur kisha dhe xhamia, e herë nëpër salla gjykatash, për të dëshmuar dhe kërkuar dënime me vdekje, në emër të partisë… për armiqtë e popullit si Shoshori.
Nuk ka një rast të vetëm, që komunisti Sali Ram Berisha të çmendej dhe të dilte kundra një vendimi të drejtësisë popullore e të ketë bërë oponencë me mitrën që e polli PPSH-në.
Nuk e di a ndodhet kush, që e ka parë, dëgjuar apo lexuar Sali Berishën, si desident antiparti në kohën e diktaturës?! Sigurisht që askush nuk e ka imagjinuar e jo më ta ketë parë e dëgjuar, sepse se hante atë kokërr ulliri të armikut, biri i partisë.
Imagjinoni se ku do të ishte Berisha, sikur të guxonte të lehte sado pak kundër “drejtësisë së popullit”. Kurse firmat e “kristaqëve” në Presidiumet e asaj kohe ishin thjesht formalitete, pa asnjë vlerë, por që të bënte “formalitetin” nëse marroseshe, për të bërë trimin antipushtet… të dërgonte në sketerrë, jo vetëm ty por të gjithë fisin, vetëm ta mendoje.
Ndaj, krijimi i desidentëve imagjinarë është vërtet një kostum që nuk i shkon shokut Sali… i rri ngushtë, jo sepse ai heq dorë nga imagjinata e tij, sikur ka luftuar shumë në komunizëm për demokracinë, por sepse njerëzit e njohin kush ka qenë dhe kush është sot… një kopil që PPSh e hodhi në prehrin e PD për të realizuar ëndrrën e saj, se pushtetin se dorëzojmë, vetëm xhaketat do i ndërrojmë… t’i kthejmë mbrapsht.
Jam shumë kurioz të di, ndaj kam disa pyetje për “desidentin” Sali Rama: Ku ishe ti shoku Sali, kur Rustemi dënonte me vdekje priftin shkodran Hil Gjergji? Po ditën e 10 gushtit 1988, kur anëtari i partisë tuaj Fehmi Avdiu, varte “heroin” tënd poet, që ia mësove emrin pas 20 vjetësh?
Tani të mos ta ham hakun, unë për diçka jam i bindur….ty nuk të kujtohet, sepse ishe i zënë me punë në gopin e PPSH, duke u përgatitur për demokrat… që persekutorët dhe bashkëpuntorët t’i ktheje në heronj për të bërë “drejtësikurvën” tënde me klyshët që na la nëna jote politike!/Ekskluzive.al
