Pas pranimit nga PD të listave të hapura zgjedhore shumë demokratë ndryshuan mendim për agjentët e Edi Ramës dhe filluan të mbështesin listat e hapura. Por frika e tyre është se Gaz Bardhi mund të humbasë në një moment fillin duke medituar kur shikon Ramën, dhe PD-së i bëhet gjëma.
Për të shuar kureshtjen e demokratëve, Karmina postoi një analizë të Qim Pekës për mënyrën se si zhvillohen këto negociata.
“Për të garantuar bisedime të suksesshme dhe për të mos u përsëritur më tragjedia e 2017, në bisedimet Rama- Basha, opozita e bashkuar ka rënë dakord për një protokoll standard komunikimi gjatë bisedimeve i cili është si Kushtetuta e Opozitës së bashkuar.
Ja si i ka rregulluar bisedimet ky protokoll.
Mbaron mbledhja e radhës e Këshillit Politik. Bylykbashi i përkthen politikisht Tit Vasilit diskutimet teknike. Vasili i mban shënim dhe përpiqet ti kthejë si përrallë që t’ia tregojë Metës para gjumit në darkë kur të bëjë përmbledhjen dhe për t’ia nisur Monikës në çast.
Bylykbashi informon Berishën dhe Bashën. Basha pasi dëgjon Bylykbashin konsultohet me Bardhin, Kason, Gjatën dhe Alibeajn.
Monika merr pyetjet nga Tit Vasili. Ja çon Metës. Meta i dërgon pyetje shtesë Monikës dhe Vasilit. Ata janë çojnë Bashës.
Basha sqaron Monikën. Monika i tregon Metës diferencat mes variantit të Bashës dhe atij të Tit Vasilit. Vasili betohet se ashtu e ka kuptuar.
Pastaj Basha informon Berishën. Berisha krahason variantin e Bashës me atë të Bylykbashit. Basha i premton Doktorit se nuk do të konsultohet më me grupin e Gazit.
Pas kësaj Berisha telefonon Metën. Berisha dhe Meta komunikojnë vendimin. Bylykbashi e Vasili dërgojnë e-mailin e radhës tek Gjiknuri. Basha dhe Monika i bëjnë like. Gjiknuri kthen përgjigje. Rinis edhe njëherë nga e para gjithçka.
