Në një zbardhje të deklaratatve të saj të bëra në gjyq, sipas Daily Mail, ajo shprehet se aktori e ka akuzuar për tradhti me një listë të madhe kolegësh, përfshi Eddie Redmayne, James Franco, Jim Sturgess, Kevin Costner, Liam Hemsworth, Billy-Bob Thornton, Channing Tatum – madje dhe me gra, Kelli Garner.
Ajo pretendoin se Johnny i ka thënë që ka pasur një lidhje edhe me Leonardo DiCaprio-n pas një audicioni, të cilin e quajti “kokë kungull”.
Pohimet e saj të jashtëzakonshme dolën pasi aktorja ka filluar ditën e tretë të paraqitjes së provave se është dhunuar nga ish-bashkëshorti në shumë raste, kur ai ka qenë i pirë dhe i droguar.
Madje, ajo foli në veçanti edhe për një rast në Australi, ku pretendon se Depp e ka mbajtur peng për tre ditë.
Heard foli për abuzimin fizik dhe verbal të ish-burrit, teksa rrinte larg tij në gjyq.
Ajo u shpreh se ndihej si e marrë peng në marrëdhënien e tyre dhe e trembur gjatë gjithë kohës.
Heard, 34 vjeç, gjithashtu pritet të përballet me akuzat se ka pasur një lidhje jashtëmartesore me miliarderin e Tesla-s, Elon Musk, dhe pretendimet e miqve të Depp se ajo e sajoi abuzimin për të shantazhuar ish-burrin e saj kur u divorcuan në vitin 2016.
Aktorja, e cila u përfaqësua nga avokatja e saj, Jennifer Robinson, ka ndarë fotografi të fytyrës së saj në dukje të mavijosur pasi z. Depp dyshohet se e kishte goditur me një telefon në fytyrë – por dëshmitarët e aktorit kanë pohuar se nuk kishte shenja lëndimi kur e panë atë një ditë më pas.
