Homazh për aktorin e humorit Xhemal Myftiu në këtë 90 vjetor të lindjes së tij. Nderim dhe respekt për figurën e tij.
Xhemal, Myftiu (1936-2012). Aktor i humorit. Lindi ne Tiranë, më 28 janar. U aktivizua herët në Lëvizjen Teatrore Amatore të qytetit të lindjes, posaçërisht në grupin e estradës së Pallatit të Kulturës ‘’Ali Kelmendi’’, qysh nga viti 1956.
Talenti i tij i lindur si aktor komik me nur e hir skenik, zëri karakteristik paksa i ngjyrur, spontaniteti i veprimit, gjesti i figurshëm, mimika shprehëse, aftësia për të gjemtuar tipa e karaktere nga meset rurale të zonës së Tiranës e përgjithësisht atyre të Shqiperisë së mesme, sharmi i lëvizjes plastike e pantomimike, u bënë premisat dhe garancitë e nevojshme për ta afruar si aktor profesionist në Estradën e Shtetit *, më 1964.
Në mbi 50 vjet përvoje artistike, ai krijoi në skenën e kësaj estrade një galeri figurash komike, duke filluar nga pjesët e shkurtra e zhanret e llojllojshme të teatrit të estradës, dhe deri te komeditë me një dhe shumë akte, si Tre dhënduret, Shporta me karavidhe, Borgjezi fisnik etj.
Ka luajtur edhe në disa filma, si Estrada në ekran, Përse bie kjo daulle, Koncert në vitin ’36, Kur hiqen maskat etj. Xhemal Myftiu është ndarë nga jeta në qershor të vitit 2012. Nderim dhe respekt për figurën e tij.
