Ish-anëtari i çetës së Metës dhe Berishës në KLD Neritan Cena i ngre zërin amerikanit Steven Kessler, anëtarët e Vetingut i tërheqin vëmendjen të ruajë qetësinë se i ka ardhur fundi, bashkonte votat në KLD me grupin e Nishanit dhe Gjin Gjonit
Neritan Cena, më parë anëtar i çetës së Bujar Nishanit, Ilir Metës dhe Sali Berishës në Këshillin e Lartë, i ka ditët e numëruara në sistemin e drejtësisë.
Komisioni i Vetingut, nën mbikqyrjen e përfaqësuesve të SHBA-BE, ka zbuluar se gjyqtari Cena ka blerë tre shtëpi, dy në Gjermani dhe një në Tiranë, me para dhuratë nga babai, kunata, baxhanaku, motra dhe djali i dajës së tij.
Procesi i Neritan Cenës u ndjek nga hetuesi amerikan Steven Kessler, i cili e përvëloi gjyqtarin me pyetje. Duket sikur i gjithë rrethi familjarë kanë ‘vënë dorën në zemër’, duke i bërë dhurata gjyqtatit, ndërsa ky i fundit shtonte apartamentet.
Një familje e zakonshme shqiptare i duhen 20 vjet punë për të blerë një apartament modest, ndërsa Neritan Cena blen tre apartamente, madje dy në Bermen Gjermani, me dhurata.
Komisioni i Vetingut ngriti dyshime të forta sa i takon mundësive financiare të të afërmve për t’i dhënë para dhuratë dhe hua gjyqtarit.
Neritan Cena, një automjet Benz që e kishte blerë disa vite më parë për 250 mijë lekë, e ka shitur për 400 mijë lekë. Automjeti, sipas KPK, është çregjistuar për qëllim likuidimi për skrap pak kohë pasi Cena e shiti. Duket qartë që Cena ka pastruar para dhe me këtë makinë, pasi makinave me kalimin e kohës u bie vlera.
Vetëm makinave të gjyqtarëve dhe prokurorëve u rritet vlera, kur duan të pastrojnë paratë e pista dhe t’i investojnë në pasuri të palujtshme. Nga ana tjetër, Cena ka blerë një makinë për 14 mijë euro, në një kohë që shitësi, djali i xhaxhait, e kishte blerë po atë ditë për 20 mijë euro.
Më vonë Cena e shiti makinën për 20 mijë euro. Cena tha djalit të xhaxhait i “kishte lindur në zemër” ta shiste makinën më lirë, ndërsa ai vetë nuk kishte arsye të mos e shiste me vlerën reale.
Përfaqësuesi amerikan Steven Kessler mori në pyetje gjyqtarin shqiptar, duke i kërkuar të përgjigjej me po ose jo. Kessler tha se gjyqtari Neritan Cena kishte blerë dy prona në Gjermani dhe një në Tiranë, duke përdorur në të gjitha rastet, paratë e të tjerëve.
Gjyqtari Cena humbi qetësinë dhe i ngriti zërin amerikanit, duke e akuzuar se nuk ishte i informuar. Sipas Cenës, lidhjet familjare në Shqipëri janë shumë të forta, ndryshe nga vendet e BE-së, ku sipas tij janë ftohur.
Cena akuzoi Steven Kessler për aludime të pavërteta dhe të qëllimshme. Trupi gjykues i Vetingut i kërkoi gjyqtarit që të kishte kujdes me tonin e zërit. Edhe për këtë gjyqtar të korruptuar, fundi është afër./Pamfleti
