Është pjesë e tentakulave të George Soros, pastron qindra mijëra euro në Kosovë, ndërkohë që në Tiranë është rreshtuar në frontin e Sali Berishës dhe Ilir Metës kundër Shteteve të Bashkuara të Amerikës.
Ky është personazhi paradoksal dhe kontrovers, Genc Pollo, i njohur edhe si ‘Kuqoja’ i PD-së dhe bandilli i një ish-eurodeputeteje të moshuar, e cila del me deklarata luftarake sa herë është në hall Sali Berisha.
“Kuqoja” ka qenë ministër i qeverisë së Sali Berishës për Arsimin, të cilin e bëri ‘çorbë’, dhe më vonë i Teknologjisë, ku luftoi me Sokol Olldashin për tenderin e fibrave optike, pasi u akuzua se kishte marrë 1.2 milionë euro kapar.
Genc Pollo sot duhet të ishte marrë i pandehur nga SPAK, pasi bashkë me motrën e tij, është kapur duke pastruar të paktën 350 mijë euro, si pjesë e një skeme qarkullimi parash prej 16 milionë euro në Qipro, Azerbajxhan dhe Kosovë, bashkë me Albert Xhanin.
Pollo, i cili rezulton i varfër me letra në Shqipëri, qarkullon qindra mijëra euro jashtë vendit, duke investuar në biznese, aksione të cilat thotë se ia kanë falur.
Duket e habitshme, sfiduese dhe e rëndë se si ende SPAK nuk ka urdhuruar arrestimin e Genc Pollos, pasi është kapur në flagrancë duke pastruar të paktën 350 mijë euro. Ndoshta frika nga arrestimi ka bërë që Genc Pollo t’i bashkohet Foltores së Sali Berishës dhe Ilir Metës në luftën kundër SHBA, por edhe si bunker për t’u mbrojtur nga veprimi i drejtësisë.
Sali Berisha akuzon George Soros se fshihet pas “bombardimit” amerikan të 19 majit 2021, kur Departamenti Amerikan i Shtetit e futi në listën e zezë bashkë me Familjen për korrupsion madhor me Ilir Metën, shantazh dhe minim të demokracisë. Mbi këtë alibi, Berisha ka nisur një fushatë kundër Soros, SHBA dhe Lulzim Bashës.
Çuditërisht, luftës së Berishës kundër Soros dhe SHBA, i është bashkuar edhe Genc Pollo, i cili ka lidhje të forta me fondacionin e famshëm. Madje, Pollo ka bashkëpunuar me SOROS edhe për projektin “Integrimi i teknologjisë së informacionit dhe komunikimit në edukim në Shqipëri”. Lidhjet e tij me Soros u forcuan kur ishte ministër i Arsimit dhe sidomos si ministër i Inovacionit dhe Teknologjisë, një ministri e sajuar nga Berisha për ta mbajtur Pollon në qeveri./Pamfleti
