Edicioni i 2019/2020 i ligës së Kampioneve do të jetë një duel i gjithi franko-gjerman në gjysmëfinale dhe për herë të parë që nga sezoni 1995/96 nuk do të ketë skuadra angleze apo spanjolle në këtë fazë të kompeticionit.
Sukseset e Lyonit dhe Paris Saint Germainit nuk e lanë aspak indiferent presidentin e Francës, Emmanuel Macron i cili nuk i rezistoi dot tundimit për t’iu drejtuar kancelares gjermane Angela Merkel teksa e ka ngacmuar disi nëpërmjet një postimi në rrjetin social Twitter.
‘Në Bruksel si në fushën e lojës, Franca dhe Gjermania, motorët e Evropës. Kancelarja Mmerkel nuk do të më qortojë se do të mbështes PSG të martën dhe të mërkurën’-shkruante në postimin e tij, shefi i Elysee në Paris.
I vënë nën akuzë për mbylljen para kohe të kampionatit në muajin prill, diçka që nuk ndodhi me Bundesligën, premier Leaguen, La Liga dhe Serie A, pas disa javësh, futbolli francez fitoi të drejtën të mburret për arritjet e skuadrave të tij në Ligën e kampioneve.
Ndërsa media franceze nuk i resht elozhet për Lyonin dhe arritjen e tij, presidenti i këtij klubi jean Michel Aulas përfiton nga rasti dhe kërkon një konsideratë më të madhe për futbollin transalpin.
‘Është një revansh për futbollin francez që meriton të ketë 4 skuadra në Champions dhe 2 në Europa League si vende të tjera-tha Aulas duke iu referuar Anglisë, Spanjës, Italisë dhe Gjermanisë
