Filmi i regjisorit Bujar Alimani “Delegacioni” do të shfaqë premierën e tij më 16 korrik, në kinema në Paris. Franca hap siparin e kinemave me filmin “Delegacioni” dhe ministrja e Kulturës Elva Margariti shprehet se pas kësaj premiere, në datën 22 korrik filmi do të shfaqet për të gjithë.
“Së bashku me një pjesë të grupit të filmit dhe prezencën e ambasadorit shqiptar në Francë, organizo-het mbrëmja e filmit “The last prisoner” i regjisorit Bujar Alimani, film i cili prezanton Shqipërinë në çmimet “Os-cars 2020”. Një bashkëpunim mes Shqipërisë, Francës dhe Greqisë do të shfaqë premierën e tij më 16 korrik në kinema në Paris dhe me pas në 22 korrik për të gjithë”, bën me dije minis-trja Elva Margariti. Filmi më skenar nga i ndjeri Artan Minarolli dhe me regji nga Bujar Alimani në role ka aktorë të njohur të kinematografisë shqiptare.
Ishte dhe vetë regjisori Bujar Alimani, i cili disa ditë më parë bëri me dije se filmi i tij do të shfaqej në Paris. Ngjarjet në film nisin në tetor të vitit 1990. Regji-mi komunist në Shqipëri po përpiqet të mbajë pushtetin. Një delegacion euro-pian vjen në Tiranë për të monitoruar zbatimin e reformave të qeverisë, një parakusht i madh që Shqipëria të pranohet në KSBE (sot OSBE). Leo është marrë fshehurazi nga një burg i largët dhe është sjellë në kryeqytet. Ai ka qenë një i bur-gosur politik për 15 vjet.
Tani ai është bërë jashtëzakonisht i vlefshëm për qeverinë. Delegacioni europian udhëhiqet nga një shok i shkollës së Leos. Detyra e tij është të kon-trollojë progresin e të drejtave të njeriut në Shqipëri. Leo mund ta bindë atë se gjithçka është në rregull. Por asgjë nuk shkon siç është planifikuar. Për regjisorin Alimani, filmi “Delegacioni” përcjell mesazhe të forta. Në reagimin e tij ai ka treguar se edhe sot shoqëria vuan pasojat e atij sis-temi që lamë pas, por këtë herë me një formë të re.
Filmin ka në role aktorë të njohur si Viktor Zhusti, Xhevdet Feri, Ndriçim Xhepa, Richard Sammel, Kasem Hoxha, ndërsa nga Kosova në film paraqiten aktorët Bislim Muçaj, Sela-man Lokaj, Avdullah Gjikokaj, Fatlume Bunjaku, Armend Smajli, Gani Morina, Arta Selimi, Imer Loshi. Në role janë dhe Rovena Lule, Bislim Muçaj, Kristaq Skrami, Mehmet Xhelili, Jorgaq Tushe, Todi Llupi, Lulzim Zeqja, Mirela Nas-ka, etj. “Delegacioni” shqiptar me ngjarje të 1990, në janar të këtij viti u shfaq edhe premierë në Nju Jork në SHBA.
