Momente paniku janë regjistruar në Stamboll mbrëmjen e sotme, teksa një anije mallrash 173 metër e gjatë e quajtur “LADY ZEHMA” me flamur liberian, ka ngecur në ngushticën e famshme të Bosforit.
Sipas mediave turke, frika ka qenë e madhe te ata që banojnë buzë Bosforit por edhe e anijet e tjera që lundronin, pasi timoni i “LADY ZEHMA” ishte kyçur duke dalë jashtë funksionit.
Fatmirësisht, anija gjigande mundi të ndalonte 100 metra nga bregu i Bebekut dhe nga aksidenti nuk ka pasur viktima, të lënduar apo dëme materiale.
Ndërkohë, Drejtoria e Përgjithshme e Sigurisë Bregdetare njoftoi se në vendngjarje janë nisur 5 rimorkiatorë dhe 2 skafë, ndërsa qarkullimi i anijeve në Bosfor është pezulluar.
foto galeri foto galeri foto galeri foto galeri foto galeri foto galeri 123456PreviousNext
Në deklaratën e bërë nga Drejtoria e Përgjithshme e Sigurisë Bregdetare, thuhet se anija me emrin “Lady Zehma” u bllokua për shkak të një defekti të timonit teksa po lundronte nga Ukraina në Stamboll dhe u ankorua në Gjirin e Bebek.
“Anijet tona Rescue-5, Rescue-6, Rescue-9, Rescue-12, Nazım Tur, KEGM-3, KEGM-5 u dërguan në vendngjarje për anijen 173 metra të quajtur Lady Zehma. Trafiku i anijeve në Bosfor u pezullua”, thuhet në deklaratë.
Ukrayna’dan gelen “Lady Zehma” isimli kargo gemisi, dümen arızası nedeniyle İstanbul Bebek’te karaya oturdu. Kaza nedeniyle Boğaz trafiği askıya alındı. pic.twitter.com/aHCBmAFBns
— NTVRadyo (@ntvradyo) September 1, 2022
Ndërkohë, në pamjet e publikuara nga mediat turke, duket anija me timonin e kyçur, që i afrohej bregut me tinguj sirenash dhe qytetarët shikonin nga plazhi ngjarjen duke mbajtur frymën.
