Finalizohet një tjetër operacion anti-korrupsion në Korçë. Ish-drejtori i postës së Korçës, Valter Gora së bashku me punonjësit e tjerë të instituicionit kanë përfunduar në pranga.
Operacioni ‘Kontrata’ i nisur prej muajsh nga nga specialistët për Hetimin e Krimit Ekonomik-Financiar në DVP Korçë, në bashkëpunim me Komisariatet e Policisë Korçë dhe Pogradec, nën drejtimin e Prokurorisë të Rrethit Gjyqësor Korçë, zbuluan skemën e mashtrimit që ndodhte brenda postës.
Të gjithë punonjësit, kanë shpërdoruar detyrën duke falsifikuar kontrata qiramarrjeje për ambiente që do të përdoreshin nga Posta Shqiptare në filialet Korçë, Maliq, Pogradec. Një qytetar është shpallur në kërkim nga policia. Bëhet me dije se do të ketë arrestime të tjera.
