Situata mes talebanëve dhe afganëve prej kohësh ka qenë e tensionuar dhe e shoqëruar me sulme të vazhdueshme, ku nga statistikat thuhet se kanë humbur jetën qindra vetë.
Ditët e fundit situata mbetet akoma më e tensionuar, ku me mijëra afganë po largohen nga vendi i tyre për t’i shpëtuar vdekjes. Shumë shtete kanë nisur evakuimin disa ditë më parë. Ndërsa Franca paska nisur të largojë trupat e saj nga Afganistani që në maj. Shumë kohë përpara partnerëve të tij perëndimorë, të cilët ende kërkojnë shtyrje për tërheqjen përfundimtare.
Presidenti Macron në fakt kishte filluar të organizonte daljen nga vendi të 600 afganëve. Vendimi gjoja “lindi nga analizat shumë pesimiste që qarkullonin në atë kohë mbi të ardhmen e Afganistanit. Nëse fillimisht u kritikua, sot ai përshëndetet si një shpëtimtar”, shkruan Corriere della Sera.
Sipas Daily Telegraph, Ministri i Jashtëm Jean-Yves Le Drian dhe Sekretari i Shtetit për Çështjet Evropiane Clément Beaune nuk dështuan të vënë në pah aftësinë e qeverisë së tyre për të parashikuar këtë situatë kritike që po kalojnë afganët .
Gazeta britanike citon gjithashtu Lordin Ricketts, një ish -ambasador britanik në Francë, i cili po vë në dyshim edhe Shtetet e Bashkuara. “Ndryshe nga Mbretëria e Bashkuar, e cila ka lidhje më të forta me Uashingtonin, distanca relative e Francës e ka ndihmuar atë të nxjerrë përfundimet e veta dhe të veprojë shpejt pa u ndjerë e detyruar në një koordinim të rreptë me SHBA,” raporton ende Corriere.
Evakuimi kishte ngjallur acarim tek partnerët evropianë që nuk ishin konsultuar, kryesisht Gjermania, e cila tha se i duhej i gjithë stafi i saj për të kryer politikën e saj të ndihmës, por edhe OJQ -të që kishin frikë për sigurinë e tyre dhe aktivitetet e tyre.
Sidoqoftë, në fund, “vendimi nuk doli të ishte i parakohshëm. Skenat e kaosit që kemi parë ditët e fundit në aeroportin e Kabulit e dëshmojnë këtë,” shpjegon Corriere.
Ndërkohë, Macron ka marrë nota shumë pozitive në lidhje me veprimin në kohën e duhur për të përballuar këtë situatë të vështirë që po kalojnë këto ditë dhe nga sondazhet e verës ka arritur 41 përqind duke u ngritur në renditje. Tre pikë më shumë se në korrik.
Tetë muaj pas zgjedhjeve presidenciale, Macron po mbledh më shumë mbështetje sesa paraardhësit e tij në të njëjtën fazë të mandatit: pro-Nikolas Sarkozy (qendra e djathtë) kishte 33 përqind. Ndërsa François Hollande (Partia Socialiste) kishte vetëm 16 për qind.
https://www.liberoquotidiano.it/news/esteri/28435594/afghanistan-gia-da-maggio-mossa-macron-cosa-sapeva-presidente-su-talebani-europa-rovinata.html?fbclid=IwAR2QhehlRd9UJJxMiVP_2PIErjS9QUit_YE5JxOcOAITDrb4PIgYyzVbjws
