Biznesi i importit të bananeve po kthehet në një biznes të trafikut të kokainës, nën mbrojtjen e segmenteve të drejtësisë dhe politikës.
Një tjetër ngarkesë me 119 kg kokainë është kapur në 30 dhjetor 2021 nga policia, në një kontejner me banane të kompanisë Zico që reklamon Bana King në TV Klan.
Ardit Gjebrea ka shpërfaqur të gjithë talentin dhe energjinë e tij për të reklamuar bananet e Zico dhe Bana King në TV Klan.
Përmes reklamimit, Bana King ka ndërtuar një maskë fëminore dhe mision pro shëndetit, pas të cilës fshihej e ‘bardha’ dhe biznesi kriminal. Kur ‘Eskobarit’ Eduart Dautaj iu kap ngarkesa e radhës me kokainë në portin e Durrësit, Bana King reagoi me shpejtësi duke sqaruar një keqkuptim. Në deklaratë thuhej se kompania ishte e ndershme dhe importonte vetëm produkte të shëndetshme.
Pas ‘Zico’ qëndron të paktën në letra Trifon Murataj, i cili çuditërisht nuk është arrestuar ende, por janë prangosur vetëm shoferët dhe një drejtor.
Trifon Murataj, i cili drejton nga Dubai, nuk po përmendet as nga mediat dhe as nga policia. Trifon Murataj duket se tashmë po zëvëndëson biznesmenin e kokainës Eduart Dautin, të cilit i doli boja duke përzier drogën me bananet, deri kur kompania e tij u bllokua nga SPAK.
Por, Trifon Murataj mund të jetë vetëm ana e dukshme, pasi pas trafikut të kokainës nga Bana King dyshohet se fshihen ‘peshq të mëdhenj’ të politikës dhe biznesit.
Dyshimet për ‘peshkun e madh’ që qëndron në prapaskenë shtohen për disa arsye.
Së pari, droga ka kaluar pa u kapur nga skaneri në Portin e Durrësit, që do të thotë se kontrolli në port kontrollohet nga mafia.
Së dyti, droga është zbuluar aksidentalisht, që lë të kuptohet se Bana King ka kohë që ushtron aktivitet kriminal nën mbrojtjen e strukturave shtetërore.
Së treti, policia në njoftim është e paqartë dhe po fsheh linjën e trafikut.
Së katërti, ngarkesa me kokainë nuk është ndjekur deri në destinacionin përfundimtar dhe nuk ka hetim profesional për të zbuluar se kush do të përfitonte. Si gjithmonë, kemi të bëjmë me ndërhyrje jo për të goditur, por për të shpëtuar kokat e trafikut të kokainës./Pamfleti
