Nga Mntor Kikia
Si fillim: Nëse do të ishte e nevojshme një gjykatë ndërkombëtare për politikanët shqiptarë, ajo duhet të kishte dy skesione. Një për Kosovën e një për Shqipërinë. Pasi dy klasat politike krijuan, në të dy vendet, qeverisjet dhe mekanizmat shtetërorë më të korruptuar në Europë. Ndaj dhe nuk do ndjeja pikën e mëshirës ti shikoja para çdo lloj gjykate.
Por kur në Hagë ngrihet një gjykatë të gjykojë këta njerëz për krime lufte, atëherë kjo është një tjetër çështje. Unë nuk e di nëse Hashim Thaçi dhe shokët e tij kanë vrarë apo jo civilë serbë, kanë vrarë apo jo kundërshtarë politikë.
Lufta në Kosovë nuk ishte luftë, ajo ishte një reagim vetëmbrojtës i shqiptarëve kundër asimilimit fizik nga Serbia. Shqiptarët po shfarosesishin. Ushtarët serbë dhe paramilitarët që jetonin në të njëjtat lagje me shqiptarët, vranë, zhdukën, përdhunuan e masakruan mijëra njerëz, gra, fëmijë e të moshuar.
Çfarë do të duhej të bënin shqiptarët kur kapnin një rob serb? Ti lexonin të drejtat e tij për avokat e ti thonin: Ke të drejtë të mos flasësh, ose cdo gjë që mund të thuash mund të përdoret kundër teje në gjyq?
Serbët kishin të drejtë të vrisnin njerëz e kafshë, të digjin shtëpi e fshatra, madje edhe mullarët e barit. Ndërsa shqiptarët, ndërsa linin të vrarët nëpër shkallët e shtëpive, duhej të mendonin se pas luftës do të përgjigjen nëse ia kthejnë serbëve me të njëjtën monedhë.
Unë kam parë në Kukës, atëkohë, sesi njerëzit e UÇK-së ndalonin kamionët me refugjatë kosovarë e zbrisnin prej tyre të rinjtë, për ti marrë e futur në formacionet luftarake. Padyshim, kjo nuk ishte e drejtë, por lufta për liri nuk është ekskursion, ku pjesëmarrja është vullnetare. Stalingradi nuk do të ishte çliruar nëse gjeneralët sovjetikë nuk do të kishin vrarë ushtarët që tërhiqeshin nga frika.
Europa nuk ishte në gjendje të ndalonte masakrat mbi boshnjakët, që vritesin Live nga barbarët serbe. Nuk parandaloi dot masakrat mbi shqiptarët, ndërsa tani po bën drejtësi, si të ishte sistemi VAR në futboll.
Kur NATO bombardonte në Afganistan e predha binte mbi një shkollë plot me fëmijë, viktimat quheshin “dëm anësor”.
