3.4 milionë eurot e gjetura në dy mjete “Toyota” në Portin e Durrësit qershorin e vitit 2018 kanë kaluar në llogari të shtetit. Gjykata Kundër Korrupsionit dhe Krimit të Organizuar pranoi të premten kërkesën e SPAK për konfiskimin e kësaj shume, si edhe të disa pasurive të tjera të personave të hetuar si të përfshirë në “pastrim parash”dhe “grup kriminal”, akuza që nuk u provuan.
Në përfundim të shqyrtimit të kërkesës së bërë nga prokurorët e SPAK, Doloreza Hysenbelli dhe Ened Nakuçi gjykata vendosi të konfiskojë shumën prej 3.4 mln euro të gjetura në mjetet Toyota të ardhura nga Belgjika me porosi të Elvis Vladit, një vlerë prej 72 mijë euro të një kompanie në pronësi të Alfred Vladit, si edhe tre parcela me sipërfaqe nga 140 në 873 m2 në Gjirin e Lalzit në pronësi të Alban Mollaymerit.
Konfiskimi pasuror u bazua në ligjin Antimafia në një proces të pavarur nga ai penal dhe prokurorët e SPAK argumentuan se të zotëruesit nuk i justifikonin këto pasuri në burime të ligjshme. Pak ditë më parë Gjykata e Tiranës e mbylli me një dënimtë vetëm me 1 vit burg për Elvis Vladin lidhur me çështjen “Toyota Yaris”.
Pas gjetjes së tyre në Durrës, ish-Prokuroria për Krimet e Rënda ngriti dyshime për një grup kriminal qëpastronte para. Për çështjen u shpallën në kërkimvëllezërit Ervis dhe Alfred Vladi, ndërsa u arrestuan katër të tjerë, që uliruan në janar 2020.
Hetimi nuk i provoi akuzat dhe dosja ikaloi Prokurorisë së Tiranës, e cila dërgoi si të pandehur vetëm Elvis Vladin, për akuzën e “mosdeklarimit në kufi të shumave dhe sendeve me vlerë”.
Gjatë hetimit parave të Vladit i doli për zot një shtetas gjerman, që kishte dokumentet bankare për to dhe që i tha hetuesve se ia kishte dhënë Elvis Vladit për biznes.
