Komisioni për përmirësimin e LSI-së u ndal sot në një çështje të veçantë, që ka të bëjë me përmirësimin e kryetares së LSI.
Për këtë ishte e nevojshme që Komisioni të shqiptonte tre të meta të zonjës Monika, me qëllim që pastaj të eleminoheshin shkaqet që i prodhojnë ato.
Këshilltari i parë mori fjalën.
-Unë mendoj se e keqja më e madhe e zonjës Monika, është që është e butë dhe e edukuar.
Ajo duhet të jetë më e egër dhe më harbute dhe me Edi Ramën, por dhe me LSI-në.
Këshilltari i dytë u ngrit pas tij.
-Unë mendoj që zonja Monika është shumë e lexuar dhe kjo bën që ajo shpesh të bëjë gafa, pasi i ngatërrohen librat që ka lexuar.
Unë mendoj se për një kohë të gjatë ajo nuk duhet të lexojë më asnjë libër.
I treti u ngrit Ilir Meta.
-Unë mendoj se ajo nuk bashkëpunon si duhet me Presidencën, tha ai.
Kjo e ka çuar në gabime të rënda.
Të tria vërejtjet dukeshin me vend.
-Atëhere duhet të fillojmë të eleminojmë shkaqet që çojnë në këto gabime, tha këshilltari i parë.
Përshembull, si ta bëjmë që zonja Monika të mos jetë aq e sjellshme, por më e ashpër dhe më harbute?
-Kjo është e pamundur, tha këshilltari i dytë.
Ajo është në aleancë me Lul Bashën.
Ai është i sjellshëm dhe i qetë.
Po ta bëjmë harbute, duhet të bëjë koalicion me Edi Ramën.
-Po mire, si t’ia bëjmë që Monika të mos lexojë kaq shumë libra, se ngeli duke bërë gafa, tha këshilltari i parë.
-Unë mendoj se duhet të marrë shembull Lul Bashën.
Ti blejë librat, të bëjë një bibliotekë të madhe, të porosisë vetëm kopertina me ngjyra, sipas mobiljeve, dhe brenda të jenë bosh.
Pra të imitojë një bibliotekë si e Lulit.
Ashtu dhe me libra duket, dhe nuk ngatërrohet.
Lulit ja ka rekomanduar një logoped kohët e fundit.
Dhe ka një javë që s’ka bërë asnjë gafë.
Meta po i dëgjonte me vëmendje dhe ndërhyri në fund.
-Problemi është se si duhet të rregullohet bashkëpunimi me Presidencën, tha Meta.
I mora Panaritin, i dhashë Shaqirin, që të mos kem kontakte direkt me të.
Po tani kam frikë se do më dalë prapë ajo në telefonin e Shaqirit.
