Pas përfundimit të vizitës së Vjosës në Tiranë me kërkesë dhe axhendë të Metës, Bilushi vendosi të bëjë dhe një fletërrufe për gazetarët që kanë kritikuar Vjosën gjatë qëndrimit në Tiranë.
Për këtë ngarkoi me detyrë një nga “Vetëvendosja” dhe një nga stafi i Metës.
Kushti për t’i zgjedhur vendosësit e fletërrufesë, ishte që të kishin dhe ata parametra si të Vjosës, me qëllim që të justifikohej fletërrufejea, që të dukej sikur mbronin dhe veten.
Kështu, kushti i parë që duhej të plotësohej nga vendosësit e fletërrufesë, ishte që të ishin të trashë sa Vjosa.
Kjo ishte një gjetje, pasi me këtë ata tregonin solidaritet me anën fizike të Vjosës.
Kushti i dytë, ishte që të kishin nivel intelektual sa të Vjosës.
Kjo nuk ishte ndonjë punë e rëndë, se dhë nëse nuk e kishin njësoj, njeriu mund ta luajë rolin e budallait pesë minuta.
Por këta dy të dy që përzgjodhi Bilushi, ishin origjinalë.
Kushti i tretë, ishte që njëri të përfaqësonte Vjosën në Kosovë, dhe tjetri Metën në Shqipëri.
Dhe u përzgjodh një nga Vetëvendosja që përfaqëson Vjosën në Kosovë dhe një nga stafi me pagesë i Ilir Metës në Tiranë.
Ideja është që gazetarët kritikë me Vjosën duan të prishin unitetin kombëtar Tiranë- Prishtinë mes Albinit dhe Metës, njëri që ka flamurin e antikorrupsionit dhe tjetri simbolin e korrupsionit.
Vetëm një ideal i madh kombëtar mund t’i bashkojë këto dy figura.
Po ashtu Bilushi i Metës bëri kujdes që fletërrufenë ta botonin dhe gjithë portalet që janë në listëpagesën e Metës.
Kjo, për t’i paralajmëruar ata që sulmojnë Vjosën dhe Metën, se dhe herë tjetër, sa herë të kritikojnë, do t’u vendoset fletërrufe.
Pas publikimit të fletërrufesë, një prej të akuzuarve si kritik i Vjosës, bëri autokritikë dhe i ktheu përgjigje Bilushit të Metës.
Ai shkruan: “Më lejoni të bëj autokritikë të thellë që ju kam lënduar shpirtërisht me rastin e kritikave ndaj zonjës Osmani.
Kisha idenë se ju lëndoheni vetëm financiarisht”.
Kjo e gëzoi pa masë Bilushin!
